2 Samuweli 20:22 - Bhibhiliya Nya Guage

²² Nyamayi khu guti gwaye a diya tshangana ni vathu vatshavbo, va pila hungo wa Sebha, mwamana wa Bhikiri, va ya rinyela Jowabhi. Khavbo avbo, Jowabhi a di womba pundru, va di duga khu dhoropani muthu ni muthu a hongola tshatshani gwaye, Jowabhi nuye a di bwelela Jerusalema ga mufumeli.

2 Samuweli 20:22 Iomraidhean Croise

2 Samuweli 18:16

Khavbo avbo, Jowabhi a di womba pundru, vatshavbo va wuya khiyo nya gulundre va na Israyeli; kholu Jowabhi a di gu tsetsa vathu.

2 Samuweli 18:17

Va di dzega Abhisalamo va ya mu rinya umo nya liphala nya likhongolo vbakari nya likhabi, va di wungedzela siwindri nya singi vbatshani gwaye; va na Israyeli vatshavbo va di tutuma va thava, moyo ni moyo a hongola gaya gwaye.

2 Samuweli 2:28

Khavbo avbo, Jowabhi a di womba pundru, vathu vatshavbo va ema, va si lundri gambe va na Israyeli; gima kha va nga dwanisana gambe.

2 Samuweli 20:1

A di dugelela mwama moyo nya dzihanyi wa Bheliyali; lina laye nya gupwani khu Sebha, mwamana wa Bhikiri wa na Bhejami; a di womba pundru, khuye: “Ethu kha hi lumbwi khu gilo ga Dhavhidhe, mwendro thomba ga mwamana wa Jese; enu va na Israyeli, muthu ni muthu a na hongole tshatshani gwaye.”

2 Samuweli 20:16

Khavbo avbo, nyamayi moyo nya gugengele a di laledza nari khu ndrani nya lidhoropa, khuye: “Yingisani, yingisani; embelani Jowabhi, khenu a vbohe eno gasi nyi ta ganela naye.”

Muhevbudzi 7:19

Wugengeli wu ngu ninga muthu nya guti tshivba nya yingi nya guvbindre likhumi vathangeli nya sikwata nya nyimbi va dhoropani.

Muhevbudzi 8:11

Kholu gulamudwa ga va nya guvivba kha gu vbiredzi gu vboha, khu kharalo, myonyo ya vathu ya gu dogorela silo nyamba sadi.