2 Samuweli 20:2 - Bhibhiliya Nya Guage

² Khu guralo, vatshavbo vama va na Israyeli, va di hambana ni Dhavhidhe va landrela Sebha, mwamana wa Bhikiri; aholu va na Judha va di namarela ga mufumeli wawe, gukhugela Joridhani kala Jerusalema.

2 Samuweli 20:2 Iomraidhean Croise

2 Samuweli 19:15

Khavbo avbo, mufumeli a di bwelela a wuya, na vbohide Joridhani, vatshavbo va na Judha va dita Ghiligali va mu khinga gasi gu ya mu hakha ni gu mu tshatugisa tsongoni wa Joridhani kala khisikheyi.

2 Samuweli 20:1

A di dugelela mwama moyo nya dzihanyi wa Bheliyali; lina laye nya gupwani khu Sebha, mwamana wa Bhikiri wa na Bhejami; a di womba pundru, khuye: “Ethu kha hi lumbwi khu gilo ga Dhavhidhe, mwendro thomba ga mwamana wa Jese; enu va na Israyeli, muthu ni muthu a na hongole tshatshani gwaye.”

2 Samuweli 20:21

Mahungu kha ma gimbila kharato; aholu mwama moyo basi wa gigomoni gya Efrayimi, lina laye nya gupwani khu Sebha, mwamana wa Bhikiri, a wugelago mufumeli Dhavhidhe. Nyi ningeni basi mwama yoyo, eni nyi na duga dhoropani momu. Khavbo avbo, nyamayi a di embela Jowabhi, khuye: “Hungo waye wu na rinywa avbo gwago khu vbatshani nya ndzari.”

2 Samuweli 20:3

Avbo Dhavhidhe a nga vboha gaya gwaye Jerusalema, mufumeli a di dzega sibhayi saye nya likhumi sile a nga bani a si tshide gu si sayisa ndranga yaye, a di si vega nyumbani nya gukari, a si sayisa ni gu si hodzisa; aholu uye gima kha nga tshangana navo malawu, a di va segela umo kala litshigu nya gufe gwawe, na va vbanya kha nga dzinoni.

1 Dzipfhumu 12:20

Avbo vatshavbo va na Israyeli va ngapwago gupwani Jerobhowamo wide khu Egipito, va di rumela guya mu rana va ta gira tshangano, va di mu emisa gu khala mufumeli wa Israyeli gwatshavbo; mwalo gambe a nga dzumela gu landrela nyumba ya Dhavhidhe, vbavbandze basi ga lihundzu la Judha.

2 Dzikoronika 10:17

Aholu Robhowamo a di fumela va na Israyeli va nga bani va vbahide tigoni ga Judha.

Dzindzimo 62:9

Vathu vatshavbo, sisiwana ni sitetema; va gu fanana ni furugedzo; va gu pimwa mugikaloni, va gu manega vasiri gilo, va gu vbevbuga guvbindra furugedzo.

Mavingu 17:14

Guphela nya guganedzisane gukhwatshi guphusuga nya mati nya tsongo wa guphela gutala; khu guralo, khuga u hongole na mu si gu pheli mayunga.

Mithumo 11:23

Na vbohide, a di wona wuhigo wa Nungungulu a tsaka, a va embela vatshavbo va simama gu khala ni Pfhumu khu monyo moyo vatshavbo.