2 Samuweli 20:19 - Bhibhiliya Nya Guage

¹⁹ Eni nyi moyo nya va nya gurula ni gutumbega tigoni ga Israyeli; gasi uwe wa gu vbweta gu mbembisa lidhoropa leli li gu mayi nya madhoropa ya Israyeli. Khu ginani u vbwetago gu fuvisa thomba ya Pfhumu Nungungulu?”

2 Samuweli 20:19 Iomraidhean Croise

Genesi 18:23

Abrahama a di hidzimela ga Pfhumu aya mu wudzisa, khuye: “Ina u na mbembisa idzosaye, va nya gululama gumogo ni sighohi, gani?

2 Samuweli 14:16

Kholu mufumeli a na yingisa, a vbulugisa eni githumi gyago mandzani ga oyu a vbwetago gu nyi mbembisa gumogo ni mwamana wangu umo nya thomba ya Nungungulu.

2 Samuweli 17:16

Khu guralo, rumelani mahungu khu guvbiredza ga Dhavhidhe, khenu: Wutshigu wowu, a nga khali vbafuvbi mapanini nya giwula, aholu a na tsemakanye khisikheyi ga Joridhani u ya khala, gasi mufumeli gumogo ni vathu a gu navo a si ti sasedwa.

2 Samuweli 20:18

Khavbo avbo, nyamayi a di mu embela, khuye: Gale ga matshigu, va di gu olovela gu ganela gukhavo: “Wudzisani wusingalagadzi tigoni ga Abheli, va vbedza kharato mahungu yawe.

2 Samuweli 20:20

Khavbo avbo, Jowabhi a di hakha a mu embela, khuye: “Si na manege hwindzo ni eni gu khungumula ni gu mbembisa!”

2 Samuweli 21:3

Dhavhidhe a di embela va na Gibheyoni, khuye: “Mwa gu vbweta gukhenu nyi mi girela ginani? Nyi mi tsakisa khu ginani gasi mu kategisani thomba ya Pfhumu Nungungulu.”

1 Dzipfhumu 8:53

Kholu, khuwe Pfhumu Nungungulu u va hathidego, va khala thomba yago vbakari nya mafumbo yatshavbo ya mafuni, kha nga u ganedego khu ga githumi gyago Mosi, gikhati u dusidego vababe vathu khu tigoni ga Egipito.”

Dzindzimo 106:5

Nyi gire nyi wona guandra ga vathu vago, nyi hengela makategwa nya litigo lago, gutsakani ga vale va lumbago uwe.

Dzindzimo 124:3

na va hi midzide na hi nga gu vbanya, khu kotani nya likhulo va gu nalo khu ethu;

Dzindzimo 33:12

Li kategide litigo lile Nungungulu a gu uye Pfhumu Nungungulu, ni vathu a va hathidego gu khala thomba yaye.

Dzindzimo 78:71

a nga bani a gu havisa umo dzinvuta, a di mu vega kha nga muhavisi wa Jakobe ni vathu vaye, ni muhavisi wa Israyeli thomba yaye.

Jeremiya 51:34

Nabhukodhonosori, mufumeli wa Bhabhiloni a nyi hodzide, bwelo khavbo a nyi gandredzela, a nyi gira nga kanvu nya liphanga, a nyi midza nga mwamilambo, a tadza gisusu gyaye khu silo sangu nya sadi, bwelo khavbo a nyi dzudzuga hwindzo.”

Jeremiya 51:44

Nyi na tsayisa Bheli, nungungulu wa Vabhabhiloni, nyi mu gosisa khu kanani gwaye, satshavbo a hodzidego. Mayigo gima kha ma na ngata tshangana gambe gwaye, ni libhiyo la Bhabhiloni li khungumudwe.

Gililo 2:16

Valala vago vatshavbo va gu tulede magana va gu tseketsela ni gu gu lodzela magwaha. Va ganela, khavo: “Hi mu khawudziside; gale na hi lirede litshigu leli, olu li vbohide, hongoleni hi mu wona!” Ain

Gililo 2:2

Pfhumu kha gira gisiro khu dzinyumba dzatshavbo dza Jakobe. Khu kotani nya likhulo laye, khungumude makhokhola ya nyamahegyane wa Judha, a ma thesa vbavbatshi; a poyila mifumo ni manganagana aye. Guimel

Gililo 2:5

Pfhumu a vbindrugedzide a khala nala, a mbembisa Israyeli, a pfhungumula ni gu khungumula dzinyumba dzaye dzatshavbo nya wufumu ni makhokhola yaye yatshavbo, a andrisa wuvi ni gililo ga nyamahegyane wa Judha. Vau

Mitengo 16:32

ma tula likana ma va midza ni mapango yawe, gumogo gambe ni vathu vatshavbo va nga bani va lumba Kore ni thomba yawe yatshavbo.

Mitengo 26:10

Aholu mafu ma di hama ma va midza avo gumogo ni Kore gufa tsawa wule, nilo na wu gu dagaredzisa mazana mavili ni livbandre magumi (250) vathu. Esi si giride kha nga gikombiso.

1 Vakorinto 15:54

Gikhati givili nya guhine gi na digago guhina, ni givili gegi nya gufe gi na hakhago gumba fa, gu na tadzisega magana ma lovidwego nya gupwani: “Gufa gu mbembisidwe khu gupala nya mahegiso.

2 Vakorinto 5:4

Na hi ngu gu vbanya tshatshani momu hi ngupwa wuvi ni gusaniseka, kholu kha hi dzini gu tshudwa, aholu ha guvbweta gu ambagiswa gasi gufa gu midzwe khu guvbanya nya guphya.

Dhewuteronome 20:10

Mwa gu vboha vbafuvbi ni lidhoropa mu vbwetago gu dwana ni vathu vakone, phelani khu gu lomba gurula navo.

Dhewuteronome 32:9

Gipandre gya Pfhumu Nungungulu, khu vathu vaye, Jakobe khuye gipandre nya thomba yaye.

1 Thimoti 2:2

khu vafumeli ni vathangeli nya mufumo gasi hi vbanye khu gurula, hi khalega gwadi, khu githawo gyatshavbo ni gululama.

Valamuli 5:7

Mitalala ya na Israyeli, yi di fuva kala eni Dhebhora, nyi dugelela nyi khala mayi wa Israyeli.

1 Samuweli 10:1

Samuweli a di dzega gigasi nya mafura, a ma guhula hungoni ga Sawule, a mu bhejari a mu embela, khuye: “Pfhumu Nungungulu a gu todzide khu mafura gasi gu khala muthangeli vbakari nya thomba yaye, vathu va Israyeli!

1 Samuweli 26:19

Gasi olu, uwe mufumeli mune wangu, nyi ngu gu lomba u yingise magana ya githumi gyago; a gu bani nari Pfhumu a gu kutsedzelago gu dwana ni eni, Uye a na dzumele nyi mu girela ningelo nya phaso nya guhodza; aholu a gu bani nari vathu, va na vadwe mbeli ga Pfhumu Nungungulu; kholu avo muhuno va nyi tutumiside gasi eni nyi si hakhi gipandre nya thomba ya Pfhumu Nungungulu, va nyi embela, khavo: Indra uya thumela vambe vanungungulu.