2 Samuweli 20:13 - Bhibhiliya Nya Guage

¹³ Na va mu duside ndzilani, vama vatshavbo va di vbindra va landrela Jowabhi, va lundra Sebha, mwamana wa Bhikiri.

2 Samuweli 20:13 Iomraidhean Croise

2 Samuweli 20:1

A di dugelela mwama moyo nya dzihanyi wa Bheliyali; lina laye nya gupwani khu Sebha, mwamana wa Bhikiri wa na Bhejami; a di womba pundru, khuye: “Ethu kha hi lumbwi khu gilo ga Dhavhidhe, mwendro thomba ga mwamana wa Jese; enu va na Israyeli, muthu ni muthu a na hongole tshatshani gwaye.”

2 Samuweli 20:11

Aholu moyo nya madzaha ya Jowabhi, a di ema vbafuvbi ni Amasa, khuye: “Uye a nengelago khu Jowabhi, ni uye a emelago Dhavhidhe, a na landrele Jowabhi.”

2 Samuweli 20:14

Sebha a di tsemakanya mafumbu yatshavbo ya Israyeli, kala a vboha Abheli-Bheti-Mahaka; ni vatshavbo va na Bhera va di tombana va mu lundra navo.

2 Dzipfhumu 18:17

Mufumeli wa Asiriya a di rumela khu Lakisi, guya Jerusalema ga Ezekhiya, Taritani, Rabhi-Sarisi, Rabisake, na vari ni gikwata nya gikhongolo nya nyimbi, va gwela va vboha Jerusalema, na va vbohide va di ya ema vbafuvbi ni litsiva li kembidwego la vbatshani li guromo ndzilani nya lithembwe la muhandzi.

Mavingu 16:17

Ndzila ya valulamidego khu gu duga guvivbani, uye a vegedzago ndzila yaye, a gu sayisa hefemulo waye.

Isaya 36:2

Mufumeli wa Asiriya, a di rumela Rabhisaki, ndruna yaye, nari khu tigoni ga Lakisi, guta Jerusalema, ga mufumeli Ezekhiya, nari ni gikwata nya gikhongolo nya masotshwa; a ta ghova bambe ni sele nya lidhamu nya gulaphe ngudzu, vbafuvbi ni ndzila nya Lithembwe la Muhandzi.

Isaya 62:10

Dugani, dugani khu myanya! Tulelani ndzila vathu vangu! Guledzelani, guledzelani makondro! Mu duselani siwindri! Ghwimbani ngavbya gasi va nya mayigo va wone!

Isaya 7:3

Pfhumu Nungungulu a di embela Isaya, khuye: “Olu duga gumogo ni mwanago Seyari-Yasube u khinga Akazi, u naya mu mana mahegiso nya sele nya litsiva li guromo Ndzilani nya lithembwe la Muhandzi,

Jeremiya 31:21

Vegani mitseneno ni misimbo nya gu layedze ndzila, khedzani gwadi mu gimbila khiyo. Li ngu wuya likendzi la Israyeli, li wuyela madhoropani gwaye.

Mitengo 20:19

Va na Israyeli va di hakha, khavo: “Hi na bela khu ndzila nya likondro, ha gu ta sela mati yanu eni gumogo ni mitshambi yangu, hi na livba tengo u na wunago; u nga kanakani khu gu hi diga hi vbindra.”

Marko 10:46

Khu hwane, va di hongola dhoropani ga Jeriko, gikhati a nga vbweta guvbindra ni vapizane vaye, gumogo ni gidzemo nya gingi, mwamana wa Timewu nya gupwani khu Bharitimewu, gisiwana nya gikhumu, a di khade bambe nya ndzila na gu lomba zomola,

Valamuli 21:19

Va di ganela, khavo: “Dhoropani ga Silo, womo buzo wu giredwago Pfhumu Nungungulu khu mwaga ni mwaga.” Lidhoropa li manegelago Wuronga ga Bheteli, khu phuvbo ga Khugadambo, ndzilani nya guye Bheteli ni Sikemi, khu Marandzi ga Libona.

1 Samuweli 6:12

Dzimombe dzile dzi di hongola dzi thonona Bheti-Semesi, dzi gimbila na dzi gu kokola nyamba phawuga guya nyamudye mwendro guya nyambade; manganagana nya Vafilisitiya va di dzi landra kala dzi ya vboha tigoni ga Bheti-Semesi.