2 Samuweli 20:1 - Bhibhiliya Nya Guage

¹ A di dugelela mwama moyo nya dzihanyi wa Bheliyali; lina laye nya gupwani khu Sebha, mwamana wa Bhikiri wa na Bhejami; a di womba pundru, khuye: “Ethu kha hi lumbwi khu gilo ga Dhavhidhe, mwendro thomba ga mwamana wa Jese; enu va na Israyeli, muthu ni muthu a na hongole tshatshani gwaye.”

2 Samuweli 20:1 Iomraidhean Croise

Genesi 46:21

Sanana sa Bhejami, khesi: Bhela, Bhekeri, Asibheli, Gera, Nahamani, Eyi, Rosi, Mupimi, Hupimi ni Aridhi.

2 Samuweli 15:10

Abhisalamo a di rumela myango yi ya lembedza mahundzu yatshavbo ya na Israyeli, a va embela, khuye: “Mwa gupwani gudzuma nya pundru, mu na ganelani, khenu: Abhisalamo fumide Hebroni!”

2 Samuweli 16:11

Dhavhidhe a di engedza a embela Abhisayi, ni vathu vaye, khuye: “Ambari gyanana gya mahembeni gwangu gi vbwetago gu nyi songa, a na tandrega kharini mubhejami yoyu? Mu digeni a nyi hembulula kha nga a rumidwego khu Pfhumu Nungungulu.

2 Samuweli 16:7

Simeyi a di hembulula Dhavhidhe, a ganela, khuye: “Duga omu, duga muthu wewe nya novba, muthu wa Bheliyali.

2 Samuweli 18:17

Va di dzega Abhisalamo va ya mu rinya umo nya liphala nya likhongolo vbakari nya likhabi, va di wungedzela siwindri nya singi vbatshani gwaye; va na Israyeli vatshavbo va di tutuma va thava, moyo ni moyo a hongola gaya gwaye.

2 Samuweli 20:2

Khu guralo, vatshavbo vama va na Israyeli, va di hambana ni Dhavhidhe va landrela Sebha, mwamana wa Bhikiri; aholu va na Judha va di namarela ga mufumeli wawe, gukhugela Joridhani kala Jerusalema.

2 Samuweli 20:22

Nyamayi khu guti gwaye a diya tshangana ni vathu vatshavbo, va pila hungo wa Sebha, mwamana wa Bhikiri, va ya rinyela Jowabhi. Khavbo avbo, Jowabhi a di womba pundru, va di duga khu dhoropani muthu ni muthu a hongola tshatshani gwaye, Jowabhi nuye a di bwelela Jerusalema ga mufumeli.

2 Samuweli 23:6

Aholu, sanana sa Bheliyali satshavbo si na rinywa vbavbandze gu fanana ni miba, eyi yi si kodzwigo gu pharwa khu mandza;

1 Dzipfhumu 12:16

Avbo vatshavbo va na Israyeli, va nga wona gukhavo mufumeli kha va yingisi, vathu va di engedza va ninga phindrulo ga mufumeli, khavo: “Gasi giavelo muni hi gi manego ethu ga Dhavhidhe? Thomba muni hi gu nayo ni mwamana wa Jese? Va na Israyeli, bwelelani mitshatshani gwanu! Uwe Dhavhidhe, wonelela wabune ndranga yago!”

1 Dzipfhumu 21:10

Mu emisani vama vavili nya guvivbedwe khu monyo mbeli gwaye, va singedza nandru Nabhoti, khavo: Vade Nungungulu ni mufumeli. Khu hwane mu duseni vbavbandze nya lidhoropa, mu mu pfara khu siwindri kala afa.”

2 Dzikoronika 10:16

Avbo vathu vatshavbo va na Israyeli va nga wona gukhavo, mufumeli kha va yingisi, va di ganedza, khavo: “Giphaso muni hi gi manago ethu ga Dhavhidhe? Yi mwalo thomba ethu hi yi manago ga mwamana wa Jese! Muthu ni muthu a na hongole gaya gwaye. Olu, uwe Dhavhidhe, dzi wonele ni ndranga yago. Khu guralo, va na Israyeli vatshavbo va di hongola magaya gwawe!”

2 Dzikoronika 10:6

Mufumeli Robhowamo, a di wudzisa madhota ya gale ma nga bani ma gu thuma ni babe waye, Solomoni, na nga gu vbanya, ava embela, khuye: “Nyi na va ninga phindrulo muni vathu vava?”

Dzindzimo 17:13

Pfhumu Nungungulu, wuga u ema! Dwana navo! U va thesa vbavbatshi! Litshari lago li na nyi vbulugise ga muthu nya guvivbe.

Dzindzimo 34:19

Sigaradzo nya muthu nya gululame singi ngudzu, aholu Pfhumu Nungungulu a gu mu vbulugisa ga satshavbo.

Mavingu 25:8

Wa gu wona silo, u nga vbiredzeli guya ketsari, kholu muakelane wago a gu danga, u na khuwe ginani?

Mavingu 26:21

Gukhwatshi khu magala ni dzikhuni dzi khondrisago nilo, kharato nuye muthu nya dzihanyi gu wusa mayunga.

Marko 3:24

Mufumo wu dzi kabanisago khu mitsawa yi wugelanago khu gyawe, mufumo wowo kha wuyi danga.

Luka 19:14

Aholu vathu va tigoni mule va di gu mu khalela lidiwo, khu kharato, va di rumela mwango, khavo: ‘Kha hi dzini gu fumedwa khu muthu yoyu.’

Luka 19:27

Gasi khu kotani ya valala vava vangu, va ngamba dzina gu fumedwa kheni, va reseni avba muta va pila migolo na nyi gu va wona.’ ”

Johane 13:8

Pedro a di engedza gambe, khuye: “Gima khu na nyi handza migondro!” Jesu a di mu hakha, khuye: “Nyamba gu handza khu lumbi tsawa wangu.”

Dhewuteronome 13:13

vama nya gukari nya guvivbedwe khu monyo va dugide khu vbakari gwago, va gurumedza vavbanyi va dhoropani gwawe, khavo: Hongoleni hi khozela vambe vanungungulu, u si vatigo,

Valamuli 19:22

Na vari vbakari nya gutsake, gu dita vama nya mighewu ya dhoropani mule, nya sanana sa Bheliyali, va ta randrela nyumba ya gikhosane gile, va veta lidimba, va embela gikhosane gile nya mune ndranga, khavo: “Nga dusa vbavbandze muthu yoyo a bedego nyumbani gwago, gasi hi ta hagana khuye.”

Valamuli 3:27

Na vbohide, a di gwela sigomoni sa Efrayimi a womba pundru, va na Israyeli va di relela naye khu gigomotunu, na thangide mbeli gwawe.

Rute 2:3

A di hongola aya bela thembweni gasi gu roledzela sivbila khu hwane ga vavbweri, aholu gu di ya kotsana gu lithembwe lolo li diri la Bhowazi, nongo wa Elimeleki.

1 Samuweli 13:2

a di hatha vbakari ga na Israyeli magumararu mazana (3.000) vama; magumavili mazana (2.000) gasi aya khala navo dhoropani ga Makimasi, musigomoni ga Bheteli, likhumi mazana (1.000) va khala ni Jonatane dhoropani ga Gibheya ga Bhejami; avo va nga tshala a va bweledza, muthu ni muthu a hongola gaya gwaye.

1 Samuweli 2:12

Sanana sa Eli, si diri sanana nya guvivbedwe khu monyo; si di si khathali khu Pfhumu Nungungulu;

1 Samuweli 30:22

Aholu vbakari nya vathu va nga bani va hongode nyimbitunu ni Dhavhidhe, gu diri ni vathu nya guvivbedwe khu monyo nya sanana sa Bheliyali, va di hakha, khavo: “Olu va nga tshala va si hongoli ni ethu, kha va yeli gu ningwa phango hi phangidego; gasi olu, muthu ni muthu, a na dzege mwangadzi waye ni sanana saye a hongole.”