2 Samuweli 2:4 - Bhibhiliya Nya Guage

⁴ Khavbo avbo, vama va na Judha, va di hongola iyoyo vaya todza Dhavhidhe, gu khala mufumeli wa Judha. Khu guralo, va di embela Dhavhidhe gukhavo vathu va Jabhesi-Gileyadhi khavo va nga dzingago Sawule.

2 Samuweli 2:4 Iomraidhean Croise

2 Samuweli 19:11

Khavbo avbo, mufumeli Dhavhidhe a di embela vaphasi nya mhamba Sadhoki ni Abhiyatari, khuye: “Embelani madhota ya Judha, khenu: Khu ginani enu mu khalani va mahegisela gu wuyisani mufumeli gaya gwaye? Kholu magana yatshavbo ya na Israyeli ma vbohide ga mufumeli.

2 Samuweli 19:42

Vama vatshavbo va na Judha va di hakha va na Israyeli, khavo: “Khu gu mufumeli nongo wathu: Khu ginani mu pwago wuvi khu isoso? Gyomo hi hodzidego ga mufumeli, mwendro gu hi ninga gilo nya gukari, gani?”

2 Samuweli 2:11

Matshigu Dhavhidhe a fumidego, a nga fumago linyumba la Judha dhoropani ga Hebroni, ma diri livbandre na mivili myaga ni livbandre na moyo migima.

2 Samuweli 2:7

Gasi olu mandza yanu ma na mane tshivba, mu khale vama nya dzindrena, kholu, Sawule mune wanu, songidwe, aholu va nyumbani ga Judha, va nyi todzide gu khala mufumeli vbatshani gwawe.”

2 Samuweli 21:11

Va diya tivisa Dhavhidhe iso si nga girwa khu Risipa, nyamahegyane wa Aya, gibhayi gya Sawule.

2 Samuweli 21:12

Dhavhidhe a diya dzega marambo ya Sawule ni ya mwanaye Jonatane, ga vavbanyi va Jabhesi-Gileyadhi, ma nga bani va ma bide avbo va nga vbayegwago khu Vafilisitiya tandralani ga Bheti-Seyani, litshigu va nga songago Sawule gigomoni ga Gilibhowa.

2 Samuweli 5:17

Avbo Vafilistiya va nga pwago gupwani Dhavhidhe wumbedwe gu khala mufumeli wa Israyeli, Vafilistiya vatshavbo va di gwela gu ya vbweta Dhavhidhe; avbo Dhavhidhe a si pwidego, a di relela mulikhokholani.

2 Samuweli 5:3

Khu guralo, ma dita Hebroni ga mufumeli, madhota yatshavbo ya na Israyeli; Dhavhidhe a di gira navo gidzumeledzwano mbeli ga Pfhumu Nungungulu dhoropani ga Hebroni; va todza Dhavhidhe khu mafura, gu khala mufumeli wa Israyeli.

2 Samuweli 5:5

A fumede va na Judha dhoropani ga Hebroni livbandre na mivili myaga ni livbandre na moyo migima, a fumela Jerusalema magumararu na miraru myaga va na Judha ni Israyeli watshavbo.

2 Dzipfhumu 11:12

Khavbo avbo, Joyadha a di dusa mwamana wa mufumeli a mu ambagisa gihugu nya wufumu, a mu ninga Libhuku nya nayo; va mu todza gu khala mufumeli, va khwakhwata mandza, khavo: “A na vbanye mufumeli!”

1 Dzikoronika 10:11

Avbo litigo latshavbo la Jabhesi wa Gileyadhi li pwidego satshavbo si nga girwago khu Vafilisitiya ga Sawule,

1 Dzikoronika 11:3

Khu guralo, madhota yatshavbo ya na Israyeli ma dita wonana ni mufumeli dhoropani ga Hebroni; ni Dhavhidhe a di gira navo gidzumeledzwano Hebroni, mbeli ga Pfhumu Nungungulu. Va di todza mafura Dhavhidhe gasi a khala mufumeli wa Israyeli kha nga guganela ga magana ya Pfhumu Nungungulu, a nga ma rumelago khavbo ga Samuweli.

1 Dzikoronika 12:23

Kholu khu gikhati gile, khu litshigu ni litshigu, gu di vboha ga Dhavhidhe masotshwa nya gute vata mu phasedzela, kala avbo gu nga khala libutho nya likhongolo, kha nga libutho la Nungungulu.

1 Samuweli 16:13

Samuweli a di dzega gigasi nya mafura a mu todza vbakari ga vandriyaye; gukhugela litshigu lile guya mbeli Liphuvbo la Pfhumu Nungungulu li di mbaka ga Dhavhidhe. Khavbo avbo, Samuweli a di khuga a hongola Rama.