2 Samuweli 2:23 - Bhibhiliya Nya Guage

²³ Ambari khu guralo, Asayeli a di bomba gu ndreya; khavbo avbo, Abhineri a di mu paya khu tshokha nya litshari khu vbambambotunu, litshari li di vbondza khu hwane gwaye a thega afela avbovbo. Vatshavbo avo va nga bani va gu vbindra khu wulanga wule a nga thegela avbo Asayeli afa, va diya ema.

2 Samuweli 2:23 Iomraidhean Croise

2 Samuweli 2:24

Aholu Jowabhi ni Abhisayi, va di simama gu lundra Abhineri; avbo li nga pfolago lidambo, va di vboha gigomoni gya Ama, gi nga khedzana ni Giya, khu ndzila nya giwula gya Gibheyoni.

2 Samuweli 20:10

Amasa kha nga khedza gwadi litshari li nga bani liri mandzani ga Jowabhi, uye a di mu paya khilo girumbu mahembe yaye ma vbalaga vbavbatshi. Kha nga engedza gu mu paya gambe nya wuvili, a di dzegela gufa. Khavbo avbo, Jowabhi ni ndriyaye Abhisayi, va di lundra Sebha, mwamana wa Bhikiri.

2 Samuweli 3:27

Avbo Abhineri a nga bwelelago aya Hebroni, Jowabhi a di mu rana khu phuvbo, gukhwatshi a gu vbweta gu ya bhula venga, a di mu paya vbagirumbutunu avbo vbale afa, a dzi phodzela kharati ga novba wa ndriyaye Asayeli.

2 Samuweli 3:30

Jowabhi ni ndriyaye Abhisayi, va di songa Abhineri, kholu uye a nga songago ndriyawe Asayeli, hwane nya litunga li nga manegago Gibheyoni.

2 Samuweli 4:6

Va di ya bela vbakari nya nyumba na va gira gukhwatshi va gu ya baga mavbila, va di ya mu paya khu vbalimbambotunu, khavbo avbo, Rekabhi ni ndriyaye Bhahana, va di tutuma va thava.

2 Samuweli 5:6

Mufumeli Dhavhidhe ni vathu vaye, va diya Jerusalema va ya dwana ni Vajebhuzi va nga bani va vbahide tigoni mule. Aholu, avo va di embela Dhavhidhe, khavo: “Gima khu na nga bela avba, kholu ambari sikhumu ni silima, si na gu lundra.” Isoso va di ganela na va gu vbweta gukhavo Dhavhidhe kha na nga bela dhoropani.