2 Samuweli 2:14 - Bhibhiliya Nya Guage

¹⁴ Abhineri a di embela Jowabhi, khuye: “Ma na khuge madzaha ma dwana mbeli gwathu.” Jowabhi a di hakha, khuye: “Ma na khuge.”

2 Samuweli 2:14 Iomraidhean Croise

2 Samuweli 2:15

Khavbo avbo, ma di khuga ma hidzimelelana khu tengo nya guningane likhumi na vavili, nari va na Bhejami a gu gipandre gya Isobhoseti, mwamana wa Sawule, ni likhumi na vavili, khu ga valandreli va Dhavhidhe.

2 Samuweli 2:16

Muthu ni muthu a di phara khu hungo nala waye, va payana dzimbambo khu matshari yawe, va thega gumogo vbavbatshi; va di rana wulanga wule khavo Helikati-Azurumi, wu khadego vbafuvbi ni Gibheyoni.

2 Samuweli 2:17

Khu litshigu lolo gu di manega nyimbi nya guthise ngudzu; aholu Abhineri, ni vathu vaye, va di sasedwa khu vathu va Dhavhidhe.

2 Dzipfhumu 14:8

Khavbo avbo, Amaziya a di rumela myango ga Jowasi, mwamana wa Jeyowakazi, mwamana wa Jewu, mufumeli wa Israyeli, khuye: “Delu hi ta wonana khovbe ni khovbe.”

Mavingu 10:23

Gipumbu gya gu gira silo nya guvivbe khwatshi guhagana, aholu muthu nya gutale khu mapimo, a gu vbweta guti.

Mavingu 17:14

Guphela nya guganedzisane gukhwatshi guphusuga nya mati nya tsongo wa guphela gutala; khu guralo, khuga u hongole na mu si gu pheli mayunga.

Mavingu 20:18

Makungo yatshavbo ma gu dugelela khu gu mana wusingalagadzi; ni dzinyimbi dza gu gimbidziswa khu wugengeli.

Mavingu 25:8

Wa gu wona silo, u nga vbiredzeli guya ketsari, kholu muakelane wago a gu danga, u na khuwe ginani?