2 Samuweli 2:1 - Bhibhiliya Nya Guage

¹ Khu hwane nya esi, Dhavhidhe a di wudzisa ga Pfhumu Nungungulu, khuye: “Ina nyi na gwela ga lidhoropa nya gukari la Judha, gani?” Pfhumu Nungungulu a di mu hakha, khuye: “Indra.” Dhavhidhe, khuye: “Nyiya hayi?” A di phindrudwa gupwani: “Hebroni.”

2 Samuweli 2:1 Iomraidhean Croise

Genesi 13:18

Abrama a di sigulela mitshatsha yaye a gu hongola aya vbanya misimboni nya yikhongolo ya Mambre, tigoni gwa Hebroni. A di vbaha avbo giluvelo, a gira phaso nya mhamba ga Pfhumu Nungungulu.

Genesi 32:2

Avbo a nga dzi wonago, a di khuye: “Libutho la Nungungulu!” A di riya lina wulanga wule, khuye: Mahanayimi.

2 Samuweli 15:7

Khu hwane nya myaga mina, Abhisalamo a di embela mufumeli, khuye: “Nya gu lomba gukheni, nyi hongola Hebroni, nyi ya tadzisa gifungo gyangu ga Pfhumu Nungungulu.”

2 Samuweli 2:11

Matshigu Dhavhidhe a fumidego, a nga fumago linyumba la Judha dhoropani ga Hebroni, ma diri livbandre na mivili myaga ni livbandre na moyo migima.

2 Samuweli 5:19

Khavbo avbo, Dhavhidhe a di wudzisa Pfhumu Nungungulu, khuye: “Ina nyi ngu yela gu dwana ni Vafilistiya, gani? U na va ningela mandzani gwangu, gani?” Pfhumu Nungungulu a di mu hakha, khuye: “Indra, khu lisine Eni nyi na va ningela mandzani gwago.”

2 Samuweli 5:23

Dhavhidhe a di wudzisa gambe ga Pfhumu Nungungulu; Pfhumu, khuye: U nga va khingi, aholu dzuwuluga khu hwane gwawe, u na ya tshangana navo misimboni nya mimorya.

1 Dzipfhumu 2:11

Uye fumide magumana myaga tigoni ga Israyeli; livbandre na mivili myaga Hebroni ni magumararu na miraru myaga Jerusalema.

1 Dzikoronika 29:7

Va di ningela gasi gu gira thumo nya guvbahe Nyumba ya Nungungulu; livbandre magumi mazana (5.000) dzitaleta nya ndralama, likhumi magumi mazana (10.000) sombo nya ndralama, likhumi magumi mazana (10.000) dzitaleta nya parata, likhumi na livbandre na mararu magumi mazana (18.000) dzitaleta nya sugu ni lizana magumi mazana (100.000) dzitaleta nya dzisimbi.

2 Dzikoronika 11:10

Zora, Ayijaloni ni Hebroni, ma nga bani ma romo tigoni ga Judha ni ga Bhejami; ma diri madhoropa nya makhokhola.

Dzindzimo 143:8

Nyi nonedze lihaladzo lago gukhugela vbadzimindrutunu, kholu eni nyi tumbide uwe; hefemulo wangu nyi ngu wu yisa iyo gwago, nyi nonedze ndzila nyi yelago gubela khiyo.

Dzindzimo 27:4

Gilo gimwegyo basi nyi lombago ga Pfhumu Nungungulu, nyi gi dogorelago khu monyo wangu watshavbo: Khu gu khala Nyumbani ga Pfhumu Nungungulu matshigu yatshavbo nya guvbanye gwangu, nyi fela gunengela khu gutshamba ga Pfhumu Nungungulu ni gu alakanya Nyumba yaye.

Ezekiyeli 36:37

Mune Pfhumu Nungungulu, a ngu ganela kharati, khuye: Ambari khu esi, nyi nga na gu dzumedzisa gukheni va na Israyeli, va na gire nombelo, va nyi lomba gukhavo nyi va phase, nyi andrisa vathu vawe kha nga tshambi nya dzinvuta.

Mitengo 13:22

Va di gwela khu Negebhi va vboha Hebroni, avbo va nga bani va romo Ayimani, Sesayi ni Talimayi, livelego la Anaki. Lidhoropa la Hebroni khilo li nga phela gu vbahwa, livbandre na mivili myaga na li si gu vbahwi la Sowani ga Egipito.

Mitengo 27:21

Uye a na ya ema mbeli ga muphasi nya mhamba, Eleyazari; muphasi nya mhamba a na wudzisa khu uye ga Pfhumu Nungungulu khu gulola solo nya guage, khu guleleta nya Urimi; khuye a na ningago lito nya gu va duga, khuye gambe a na ningago lito gukhuye va bele, uye gumogo ni va na Israyeli ni tshangano watshavbo.”

Josuwa 15:13

Aholu Kalebi, mwamana wa Jefoni, a di ningwa thomba vbakari ga va na Judha, kha nga idzo Pfhumu Nungungulu a nga rumago khidzo Josuwa; a di mu ninga lidhoropa la Kiriyati-Aribha, mwendro Hebroni, Aribha yoyu a diri babe wa Anaki.

Valamuli 1:1

Hwane nya gufe ga Josuwa, va na Israyeli va di wudzisa Pfhumu Nungungulu, khavo: “Khu mani vbakari gwathu a na gu phela khuye gu gwela aya dwana ni Vakhanani?”

1 Samuweli 10:22

Khavbo avbo, va di engedza va wudzisa Pfhumu Nungungulu, khavo: Mwama wule dzude iyoyo, gani? Pfhumu Nungungulu, a di hakha, khuye: “Sihade iyoyo vbakari nya sombo.”

1 Samuweli 23:2

Dhavhidhe a di wudzisa Pfhumu Nungungulu, khuye: “Nyi hongola nyi ya sasela Vafilisitiya, gani?” Pfhumu Nungungulu a di mu hakha, khuye: “Gimbila, kholu u na ya pala Vafilisitiya, u bwelo khavbo u tshudzisa Keyila.”

1 Samuweli 23:4

Khavbo avbo, Dhavhidhe a di engedza a wudzisa ga Pfhumu Nungungulu; Pfhumu Nungungulu a di mu phindrula, khuye: “Dzi emisele u relela Keyila, kholu nyi na ningela Vafilisitiya mandzani gwago.”

1 Samuweli 30:31

Ga va Hebroni ni ga malanga yatshavbo a vbindridego khumo Dhavhidhe, ni vathu vaye.