2 Samuweli 19:9 - Bhibhiliya Nya Guage

⁹ Vathu vatshavbo, ni mahundzu yatshavbo ya na Israyeli, va di ganedzisana, khavo: “Mufumeli a hi tshudziside mandzani ga valala vathu; a hi vbulugiside mandzani ga Vafilistiya, gasi olu hi tutumide tigoni khu gu thava Abhisalamo.

2 Samuweli 19:9 Iomraidhean Croise

2 Samuweli 15:14

Dhavhidhe a di embela vathu vaye vatshavbo a nga bani nari navo Jerusalema, khuye: “Hongoleni hi thava khu guvbiredza, kholu mwalo a na gu vbulugago ga Abhisalamo! Hongoleni hi thave, gasi a si hi mani khu githugedza, hi thegedwa khu libango, gu sasedwa lidhoropa khu matshari.”

2 Samuweli 18:17

Va di dzega Abhisalamo va ya mu rinya umo nya liphala nya likhongolo vbakari nya likhabi, va di wungedzela siwindri nya singi vbatshani gwaye; va na Israyeli vatshavbo va di tutuma va thava, moyo ni moyo a hongola gaya gwaye.

2 Samuweli 19:10

Abhisalamo uye hi nga mu todzago hi mu emisa mbeli gwathu, uye fude nyimbitunu; olu khu ginani mu degulago mu si vbweti makungo nya gu wuyise mufumeli.”

2 Samuweli 19:40

Khu vbale, mufumeli a di vbindra khu Ghiligali nari gumogo ni Kimani; vathu vatshavbo va na Judha, ni gipandre nya vathu va na Israyeli, va di tshatugisa mufumeli.

2 Samuweli 22:44

Uwe u di nyi vbulugisa mayungani nya gudwanele vathu vangu, u nyi gira muthangeli nya mayigo; lihundzu nyamba liti li ngu nyi thumela.

2 Samuweli 5:20

Dhavhidhe a di ya Bhahali-Perazimi; aya va sasela iyoyo a ganela, khuye: “Pfhumu Nungungulu phalalegiside valala vangu gu fanana ni mati ma gu phusuga ma goga.” Khu guralo, a di rana wulanga wule khuye Bhahali-Perazimi.

Dzindzimo 18:43

Uwe u di nyi vbulugisa mayungani ya vathu vangu, U nyi gira muthangeli nya mayigo; lihundzu nyamba liti li ngu nyi thumela.

Ekisodha 32:24

Eni nyi di va embela, kheni: “Muthu ni muthu a gu na ni ndralama a na yi duse. Avo va di tshulela ndralama yawe va nyi ninga. Eni nyi di yi rinya niloni, khavbo avbo, gu di duga gimombyana gegi.”

1 Samuweli 17:50

Kharati, Dhavhidhe a di pala Mufilisitiya, khu gu mu veta khu giwindri nya fijiga, a mu songa, Dhavhidhe na sa phara litshari mandzani gwaye.

1 Samuweli 18:25

Sawule a di va embela, khuye: “Indrani mu ya embela esi Dhavhidhe, khenu: Mufumeli kha vbweti gukhuye u lowola, aholu a gu vbweta lizana misutu ya Vafilisitiya, yi khala gu dzi phodzela ga mufumeli ga valala vaye.” Khu magirelo yoyo, Sawule a di zama gukhuye Dhavhidhe a thegela mandzani ga Vafilisitiya.

1 Samuweli 19:5

Kha nga thava gufa, a di sasela Vafilisitiya, Pfhumu Nungungulu a tshudzisa va na Israyeli vatshavbo; uwe kamwe u si wone bwelo khavbo u nengela khiso; olu khu ginani u vbwetago gu ghoha khu gu vbaladza novba nyambana nandru, khu gu songa Dhavhidhe vbavbandze nya gighoho.