2 Samuweli 19:8 - Bhibhiliya Nya Guage

⁸ Khavbo avbo, mufumeli a di khuga aya khala vbamwanyatunu, va ya embela vathu vatshavbo, khavo: “Mufumeli khade vbamwanyatunu.” Khu guralo, vathu vatshavbo va dita dzi wonegisa mbeli ga mufumeli. Aholu, va na Israyeli va di thavide, muthu ni muthu a hongola tshatshani gwaye.

2 Samuweli 19:8 Iomraidhean Croise

2 Samuweli 15:2

Abhisalamo a di gu wuga vbadzimindrutunu aya ema vbafuvbi ni ndzila ya vbanyangwatunu; a wona ni wevbini a yisago mahungu wufumutunu gasi guya lamudwa, a mu rana avbo gwaye a mu wudzisa, khuye: “Wa guta khu dhoropani ga hayini?” Uye a mu hakhago, khuye: “Eni githumi gyago nya guta khu ga limwedo nya madhoropa nya lihundzu la na Israyeli.”

2 Samuweli 18:17

Va di dzega Abhisalamo va ya mu rinya umo nya liphala nya likhongolo vbakari nya likhabi, va di wungedzela siwindri nya singi vbatshani gwaye; va na Israyeli vatshavbo va di tutuma va thava, moyo ni moyo a hongola gaya gwaye.

2 Samuweli 18:24

Dhavhidhe a di khade khu vbakari nya myanya mivili ya vbanyangwatunu; muemeledzi wa vbanyangwatunu a di lita vbatshani nya langwe khu vbandzaritunu, a di khusa maho a wona mwama na gu tutuma nari uye ekha.

2 Samuweli 18:4

Mufumeli a di va hakha, khuye: “Nyi na gira iso mu si wonago na si gu mi tsakisa.” Khu guralo, mufumeli a di ema khu wubambe nya nyangwa; khavbo avbo, vathu vatshavbo va di duga khu sikwata nya lizana (100), niso nya likhumi mazana (1.000).

2 Samuweli 19:3

Khu guralo, vathu khu litshigu lile, va di bela dhoropani na va degude, gukhwatshi va gu wuya khu dzitshoni nya gupadwe.

1 Dzipfhumu 22:36

Gupfolani nya lidambo, lito li di pwala lizumboni gwatshavbo ga sanana sa Israyeli, li laledza, khilo: “Muthu ni muthu a na bwelele dhoropani gwaye ni tigoni gwaye nya mavelego!”

2 Dzipfhumu 14:12

Judha a di sasedwa khu va na Israyeli, va thava va tutuma, muthu ni muthu aya tshatshani gwaye.

2 Dzipfhumu 8:21

Khu guralo, Jeyoramo a di vbindra khu Zayiri ni dzikareta dzaye dzatshavbo; a di wuga ni wutshigu aya sasela va na Edhomi, va nga bani va mu randrede, gumogo ni vathangeli nya dzikareta; khu guralo, vathu vaye va phalalega va hongola mitshatshani gwawe.

1 Samuweli 4:10

Khavbo avbo, va di phela litunga; va na Israyeli va di padwa, vatshavbo va di tutumela gu hongola magaya gwawe. Gusongetedwa gu diri gungi ngudzu, avbo gu nga songwago gipimo nya magumararu magumi mazana (30.000) vama va na Israyeli.