2 Samuweli 19:43 - Bhibhiliya Nya Guage

⁴³ Va na Israyeli va di hakha va na Judha, khavo: “Hi na ni likhumi sipandre si hi lumbago ga mufumeli, ambari khavbo gwaye ethu hi ngu mi vbindra; khu ginani enu mu ngamba hi thela kota? Khandri a diri ethu hi nga hadza gu dusa lito nya gu wuyise mufumeli wathu, gani?” Aholu magana ya na Judha ma diri ni tshivba ngudzu guvbindra ya na Israyeli.

2 Samuweli 19:43 Iomraidhean Croise

2 Samuweli 19:14

Khu magirelo yaya, ma di vbindrugedza myonyo ya vathu vatshavbo va na Judha gukhwatshi monyo wa muthu moyo basi; va rumela mahungu ga mufumeli, khavo: “Bwelela u wuya gaya, uwe gumogo ni sithumi sago.”

2 Samuweli 19:9

Vathu vatshavbo, ni mahundzu yatshavbo ya na Israyeli, va di ganedzisana, khavo: “Mufumeli a hi tshudziside mandzani ga valala vathu; a hi vbulugiside mandzani ga Vafilistiya, gasi olu hi tutumide tigoni khu gu thava Abhisalamo.

2 Samuweli 20:1

A di dugelela mwama moyo nya dzihanyi wa Bheliyali; lina laye nya gupwani khu Sebha, mwamana wa Bhikiri wa na Bhejami; a di womba pundru, khuye: “Ethu kha hi lumbwi khu gilo ga Dhavhidhe, mwendro thomba ga mwamana wa Jese; enu va na Israyeli, muthu ni muthu a na hongole tshatshani gwaye.”

2 Samuweli 20:6

Khavbo avbo, Dhavhidhe a di embela Abhisayi, khuye: Wona nya gukhuwe Sebha, mwamana wa Bhikiri, a na hi tshanisa ngudzu guvbindra Abhisalamo; khu guralo, dzega sithumi sa mune wago, mu mu landra, a nga kala a mana madhoropa nya makhokhola, a mwalalega mahoni gwathu.

2 Samuweli 5:1

Mahundzu yatshavbo ya na Israyeli ma dita ga Dhavhidhe, dhoropani ga Hebroni, ma ta ganela naye, khayo: “Ethu hi marambo yago ni nyama yago.

1 Dzipfhumu 12:16

Avbo vatshavbo va na Israyeli, va nga wona gukhavo mufumeli kha va yingisi, vathu va di engedza va ninga phindrulo ga mufumeli, khavo: “Gasi giavelo muni hi gi manego ethu ga Dhavhidhe? Thomba muni hi gu nayo ni mwamana wa Jese? Va na Israyeli, bwelelani mitshatshani gwanu! Uwe Dhavhidhe, wonelela wabune ndranga yago!”

Mavingu 13:10

Matshandza ma gu vanga mazondra, aholu wugengeli wa gu manwa khu vale va dzumelago gulaywa.

Mavingu 15:1

Phindrulo nya gu dzi nogise, yi ngu vbodzisa likhulo, aholu magana nya gupaye, ma gu wusa likhulo.

Mavingu 17:14

Guphela nya guganedzisane gukhwatshi guphusuga nya mati nya tsongo wa guphela gutala; khu guralo, khuga u hongole na mu si gu pheli mayunga.

Mavingu 18:19

Guphasa ndriyago a gorogidego, gu lemede ngudzu guvbindra gupfhungumula lidhoropa li bhiyidwego khu likhokhola; mayunga ma gu fanana ni sikwinyaro nya likhokhola.

Varoma 12:21

U nga dzi digi u padwa khu guvivba, aholu, uwe pala guvivba khu wuwadi.

Vagalatiya 5:15

Aholu enu mwa gu vbanya nga sirengo, mu gu hodzana ni gu bayisana, dzi woneleni, mu nga hegisa khu gu vbedzana khu gyanu.

Vagalatiya 5:20

gukhozela vanungungulu nya malipha, guphasela sithombe, sikwembu ni wutumbe, livengo, gudwanisana, wufu, likhulo, dzihanyi, guwandra, guwugelana khu mitsawa;

Vagalatiya 5:26

Hi nga khali vathu nya matshandza, hi wugelana ni gu girelana lidiwo.

Vafilipi 2:3

Mu nga girini gilo khu monyo nya gudwanele gu dzi khusedza mwendro khu matshandza nya mahala, aholu, girani khu gu dzi sodzisa, mu dzi gira va nyalidede ga vathu vatshavbo.

Jakobe 1:20

Kholu, likhulo nya muthu kha li giri gululama gu godwago khu Nungungulu.

Valamuli 8:1

Khavbo avbo, va na Efrayimi va di wudzisa Gidhiyoni, khavo: “Ginani esi u hi giredego, u ngamba hi rana gikhati u hongodego u ya dwana ni Vamedhiyani?” Va di mu ninga nandru khu tshivba ni tshivba.

Valamuli 9:23

Nungungulu a di thela liphuvbo nya guvivbe vbakari ga Abhimeleki ni ga vavbanyi nya lidhoropa la Sikemi; vavbanyi nya lidhoropa la Sikemi va di phela gukanyisa Abhimeleki.