2 Samuweli 19:23 - Bhibhiliya Nya Guage

²³ Mufumeli a di embela Simeyi, khuye: “Khu na ngafa.” Mufumeli a di sambanya ga Simeyi.

2 Samuweli 19:23 Iomraidhean Croise

2 Samuweli 16:10

Mufumeli a di khuye: “Ginani nyi gu nagyo nanu enu madzahanu ya Zeruwa? Mu digeni a hembulule, Pfhumu Nungungulu a gu bani a mu rumide gukhuye vala Dhavhidhe, khu mani a na mu embelago, khuye: Khu ginani u girago isoso?”

2 Samuweli 19:24

Mefibhoseti, mwamana wa Sawule a di relela gu khinga mufumeli, kha nga hamba migondro, gu vila giledzu gyaye ni gu handza dzingandzu dzaye; gukhugela litshigu mufumeli a nga dugago, kala litshigu a widego khu gurula.

1 Dzipfhumu 2:37

Kholu gani khu levbini litshigu u na gu khugago u gimbila u tshatuga gitsongwana gya Kedhroni, dziti nya gukhuwe khu lisine furi u nafa; ni novba wago wu na thegela hungoni gwago.

1 Dzipfhumu 2:46

Mufumeli a di ruma Bhenaya, mwamana wa Joyadha, uye a di duga aya mu dhumela a mu songa. Khu kharati mufumo wu di tiyiswa gwadi mandzani ga Solomoni.

Vahebheru 6:16

Muthu a gu sambanya, a gu sambanya khu lina la moyo a gu khongolo guvbindra uye. Gusambanya ga gu vbedza guganedzisana gwatshavbo.

1 Samuweli 11:13

Aholu Sawule a di va hakha, khuye: “Muhuno, mwalo a na songwago, kholu litshigu la muhuno, Pfhumu Nungungulu vbanyiside vathu vaye va na Israyeli.”

1 Samuweli 28:10

Khavbo avbo, Sawule a di sambanya khu lina la Pfhumu Nungungulu a ganela, khuye: “Nyi ngu sambanya khu lina la Pfhumu Nungungulu a vbanyago gukheni, gimwalo ni gimwegyo gitsayiso gi na gu gu dugelelago khu kotani nya isoso.”

1 Samuweli 30:15

Dhavhidhe a di mu wudzisa, khuye: “U ngu kodza gu nyi dzega u nyi vbelegedza ga tsawa yoyo nya sighevenga, gani?” Lidzaha li di mu hakha, khilo: “Sambanya mbeli ga Nungungulu, gukhuwe khu na nyi songa ambari guya nyi ningela mandzani ga mune wangu, nyi na gu vbelegedza kala iyo gwawe.”