2 Samuweli 19:22 - Bhibhiliya Nya Guage

²² Aholu Dhavhidhe a di hakha, khuye: “Gasi mahungu muni nyi gu nawo nanu enu madzahanu ya Zeruwa, na? Ina muhuno litshigu nya gufe muthu wa na Israyeli, gani? Ina eni kha nyi dziti gukheni muhuno nyi emisedwe gu khala mufumeli wa Israyeli, gani?”

2 Samuweli 19:22 Iomraidhean Croise

2 Samuweli 16:10

Mufumeli a di khuye: “Ginani nyi gu nagyo nanu enu madzahanu ya Zeruwa? Mu digeni a hembulule, Pfhumu Nungungulu a gu bani a mu rumide gukhuye vala Dhavhidhe, khu mani a na mu embelago, khuye: Khu ginani u girago isoso?”

2 Samuweli 16:5

Avbo Dhavhidhe a nga vbohago Bhawurimi, gu di duga khu mule mwama moyo nya lifumbu la nyumbani ga Sawule, a nga bani na gu ranwa khu lina la Simeyi; mwamana wa Gera; a dita na gu yuyutela.

2 Samuweli 16:9

Khavbo avbo, Abhisayi, mwamana wa Zeruwa, a di embela mufumeli, khuye: “Khu ginani yimbwa yeyi nya gufe yi hembululago mufumeli wangu? Nyi digeni nyi vbindra nyi ya mu pila hungo.”

2 Samuweli 3:39

Gasi a gu bani ari eni, muhuno nyi vbede tshivba, ambari olu nyi wumbedwego gu khala mufumeli. Gasi vama vava nya sanana sa Zeruwa, va na ni tshivba nya gu nyi vbindre. Pfhumu Nungungulu a na ninge tshatshazelo gighohi khu tsayiso nya gighoho gyaye.”

Isaya 16:5

Khavbo avbo, gu na tiyiswa gikhalo gyago nya wufumu khu wuwadi, gu na khodziswa avbo mulamuli a na lamulago khu gululama ni gutumbega tshatshani wa Dhavhidhe.”

Matewu 8:29

Avo va di gulumela, khavo: “Ginani hi nga gu ghohela, Mwamana wa Nungungulu? U tede guta hi tshanisela ginani, na gi si gu vbohi gikhati gyakone?”

1 Samuweli 11:13

Aholu Sawule a di va hakha, khuye: “Muhuno, mwalo a na songwago, kholu litshigu la muhuno, Pfhumu Nungungulu vbanyiside vathu vaye va na Israyeli.”

1 Samuweli 26:11

Pfhumu Nungungulu a na ndreyise gu khusa gyandza gyangu nyi songa uye a todzidwego khu mafura khu Nungungulu; gasi olu, dzega litshari li khadego mihungoni gwaye gumogo ni ngoto nya mati, hi hongole.”

1 Samuweli 26:8

Khavbo avbo, Abhisayi a di embela Dhavhidhe, khuye: “Nungungulu muhuno ningede mandzani gwago nala wago, nyi dige nyi mu paya gumogo khu litshari nyi li vbondzisa mafuni; kha gu na vbwetega gu mu engedza gambe.”

1 Samuweli 26:9

Aholu Dhavhidhe a di hakha Abhisayi, khuye: “U nga mu songi, kholu khu mani a kodzago gu khusa gyandza gyaye a songa uye a todzidwego khu Nungungulu a si mani nandru?”