2 Samuweli 19:21 - Bhibhiliya Nya Guage

²¹ Abhisayi, mwamana wa Zeruwa, a di mu hakha, khuye: “Ina esi si ngu tandregisa gu Simeyi, a songa olu a nga hembululago uye a todzidwego khu mafura ya Pfhumu Nungungulu, gani?”

2 Samuweli 19:21 Iomraidhean Croise

2 Samuweli 16:13

Khu guralo, Dhavhidhe ni vathu vaye, va di dzi pharela ndzila yawe va hongola; Simaya nuye a di phara yaye ndzila a gimbila khu wubambe nya gigomo, na gu mu yuyutela ni gu mu rinyela siwindri ni gu mu pfuledzela mafu.

2 Samuweli 16:5

Avbo Dhavhidhe a nga vbohago Bhawurimi, gu di duga khu mule mwama moyo nya lifumbu la nyumbani ga Sawule, a nga bani na gu ranwa khu lina la Simeyi; mwamana wa Gera; a dita na gu yuyutela.

2 Samuweli 16:9

Khavbo avbo, Abhisayi, mwamana wa Zeruwa, a di embela mufumeli, khuye: “Khu ginani yimbwa yeyi nya gufe yi hembululago mufumeli wangu? Nyi digeni nyi vbindra nyi ya mu pila hungo.”

Dzindzimo 84:9

Uwe Nungungulu muvhikeli wathu, kategisa wule u mu hathidego gu khala mufumeli.

Ekisodha 22:28

U nga nyenyi Pfhumu Nungungulu wago, gambe u nga vali muthangeli wanu.

Gililo 4:20

Gihathwa gya Pfhumu Nungungulu uye a gu muvbanyisi wathu, modwe a thegela mavbalani gwawe; uye hi nga bani hi ganela gwaye khethu: “Hi na sihala mutsani nya dzimbapi dzaye, vbakari ga va nya mayigo.” Sini

1 Samuweli 24:6

a di embela masotshwa yaye, khuye: “Pfhumu Nungungulu a na nyi vbulugise gu gira silo nya nga esi ga mune wangu, gu khusa mandza yangu nyi mu songa, kholu muthu wa Pfhumu Nungungulu a todzidwego khu mafura.”

1 Samuweli 26:9

Aholu Dhavhidhe a di hakha Abhisayi, khuye: “U nga mu songi, kholu khu mani a kodzago gu khusa gyandza gyaye a songa uye a todzidwego khu Nungungulu a si mani nandru?”