2 Samuweli 19:10 - Bhibhiliya Nya Guage

¹⁰ Abhisalamo uye hi nga mu todzago hi mu emisa mbeli gwathu, uye fude nyimbitunu; olu khu ginani mu degulago mu si vbweti makungo nya gu wuyise mufumeli.”

2 Samuweli 19:10 Iomraidhean Croise

2 Samuweli 15:14

Dhavhidhe a di embela vathu vaye vatshavbo a nga bani nari navo Jerusalema, khuye: “Hongoleni hi thava khu guvbiredza, kholu mwalo a na gu vbulugago ga Abhisalamo! Hongoleni hi thave, gasi a si hi mani khu githugedza, hi thegedwa khu libango, gu sasedwa lidhoropa khu matshari.”

2 Samuweli 15:16

Mufumeli a di duga a hongola, a landredwa khu vatshavbo va nyumbani gwaye, aholu, mufumeli a di tshiya likhumi sibhayi saye si sayisa ndranga.

2 Samuweli 18:14

Khavbo avbo, Jowabhi a di mu hakha, khuye: “Kha nyi vbweti gu luza gikhati khu mahungu yago avba.” Khu guralo, a di dzega matshari mararu aya paya khayo monyo wa Abhisalamo, na nga gu vbanya vbatshani nya nguhu.

2 Samuweli 19:11

Khavbo avbo, mufumeli Dhavhidhe a di embela vaphasi nya mhamba Sadhoki ni Abhiyatari, khuye: “Embelani madhota ya Judha, khenu: Khu ginani enu mu khalani va mahegisela gu wuyisani mufumeli gaya gwaye? Kholu magana yatshavbo ya na Israyeli ma vbohide ga mufumeli.

2 Samuweli 19:40

Khu vbale, mufumeli a di vbindra khu Ghiligali nari gumogo ni Kimani; vathu vatshavbo va na Judha, ni gipandre nya vathu va na Israyeli, va di tshatugisa mufumeli.

2 Samuweli 19:9

Vathu vatshavbo, ni mahundzu yatshavbo ya na Israyeli, va di ganedzisana, khavo: “Mufumeli a hi tshudziside mandzani ga valala vathu; a hi vbulugiside mandzani ga Vafilistiya, gasi olu hi tutumide tigoni khu gu thava Abhisalamo.

Hoseya 8:4

Va dzi hathede vafumeli khu gugola gwawe, aholu, nasiri khu guruma gwangu, va dzi vegela vathangeli nyamba vati. Khu ndralama ni parata yawe, va di wumba vanungungulu nya sithombe, gasi va dzi mbembisa khiso.

Valamuli 18:9

Avo va di va hakha, khavo: “Hongoleni hi ya va dhumela! Kholu hi wonide nya gukhethu litigo lawe khyadi ngudzu. Khalani na mu tangade, ginani gi mu hwedzago? Mu nga khali migara, hongoleni hi ya li khozisa, hi li dzega.