2 Samuweli 19:1 - Bhibhiliya Nya Guage

¹ Va di ya embela Jowabhi, khavo: “Mufumeli womo vbakari nya wuvi khu gu lila mwanaye Abhisalamo.”

2 Samuweli 19:1 Iomraidhean Croise

Genesi 37:35

Sanana saye satshavbo nya vama ni vanyamayi si di dzi garadza khu gu vbweta gu mu tangadzisa, aholu uye a di bomba gutangadziswa, a ganela, khuye: “Ahihi! Nyi na lila gyanana gyangu kala nyi ya manana nagyo thowoni!” Khu kharati, babe waye a di simama a mu lila.

2 Samuweli 18:12

Mwama wule a di mu hakha, khuye: “Ambari nari pwani u di vega mandzani gwangu likhumi mazana (1.000) singerengere nya parata, eni gima nya sa khusa mandza yangu nyi handzega vbatshani ga mwamana wa mufumeli, kholu ethu hi pwide gikhati mufumeli a nga leletelago uwe, Abhisayi ni Itayi, khuye: Vegedzani gwadi mwamana wangu Abhisalamo.”

2 Samuweli 18:14

Khavbo avbo, Jowabhi a di mu hakha, khuye: “Kha nyi vbweti gu luza gikhati khu mahungu yago avba.” Khu guralo, a di dzega matshari mararu aya paya khayo monyo wa Abhisalamo, na nga gu vbanya vbatshani nya nguhu.

2 Samuweli 18:20

Aholu Jowabhi a di khuye: “Uwe muhuno khandri uwe u na khalago mwango nya guye tivisa mahungu, aholu u na ma tivisa khu limbe litshigu; muhuno u nga yi ma tivisa, kholu gu songidwe mwamana wa mufumeli.”

2 Samuweli 18:33

Khavbo avbo, mufumeli, a di vbisega ngudzu monyoni gwaye, a gwela aya nyumbani ga vbatshani nya nyangwa na gu lila; a di gimbila na gukhuye: “Mwanangu Abhisalamo, mwanangu, mwanangu Abhisalamo! Gu diri tshukwana na nyi fude eni wulangani gwago, mwanangu Abhisalamo, mwanangu!”

2 Samuweli 18:5

Mufumeli a di leletela Jowabhi, Abhisayi ni Itayi, khuye: “Mu nga girini guvivba ga lidzaha Abhisalamo.” Vathu vatshavbo va pwide avbo mufumeli a nga ningago sileletelo ga vathangeli vaye vatshavbo khu mahungu ya Abhisalamo.

2 Samuweli 19:2

Gupala ga litshigu lile gu vbindrugedzide gu khala gililo ga vatshavbo vathu, kholu, litshigu lolo, vathu va dipwa gupwani mufumeli womo vbakari nya gu tshaniseke ngudzu khu mahungu ya mwanaye.

Mavingu 17:25

Gyanana nyamba yingisa i tshanisa ga babe waye, ni wuvi ga mayi waye.

Zakariya 12:10

Aholu nyumbani ga Dhavhidhe ni ga vavbanyi vatshavbo va Jerusalerma nyi na thela Liphuvbo nya wuwadi nilo nya milombelo; va na khedza wule va mu payidego; va na mu lila gukhwatshi va gu lila gyanana gya gimwegyo basi, va garadzega khu uye, gukhwatshi va gu garadzega khu gyanana nya matiwula