2 Samuweli 18:33 - Bhibhiliya Nya Guage

³³ Khavbo avbo, mufumeli, a di vbisega ngudzu monyoni gwaye, a gwela aya nyumbani ga vbatshani nya nyangwa na gu lila; a di gimbila na gukhuye: “Mwanangu Abhisalamo, mwanangu, mwanangu Abhisalamo! Gu diri tshukwana na nyi fude eni wulangani gwago, mwanangu Abhisalamo, mwanangu!”

2 Samuweli 18:33 Iomraidhean Croise

Genesi 21:11

Magana yaya ma di swihadza ngudzu Abrahama kholu Ismayeli nuye a diri gyanana gyaye.

2 Samuweli 14:1

Avbo Jowabhi, mwamana wa Zeruwa, a nga wonago gukhuye monyo wa mufumeli wu ngu dilela gikhati gyatshavbo khu gu vbweta Abhisalamo,

2 Samuweli 19:1

Va di ya embela Jowabhi, khavo: “Mufumeli womo vbakari nya wuvi khu gu lila mwanaye Abhisalamo.”

2 Samuweli 19:4

Mufumeli a di fenengedza khovbe yaye a womba huwa, khuye: “Mwanangu Abhisalamo! Abhisalamo mwanangu, mwanangu!”

Dzindzimo 103:13

Kha nga babe a tsetselelago sanana saye, kharato nugo Pfhumu Nungungulu a ngu tsetselela vale va mu ningago githawo.

Ekisodha 32:32

Ambari ulo, gira wuhindzi u va tsetsela gighoho gegi. Wa gumba dzina gu va tsetsela, dusa lina langu libhukuni u nga lovago.”

Mavingu 10:1

Gyanana nya guti, gya gu tsakisa babe wagyo, aholu igyo nya gipumbu gya gu swihadza mayi waye.

Mavingu 17:25

Gyanana nyamba yingisa i tshanisa ga babe waye, ni wuvi ga mayi waye.

Varoma 9:3

Nyi di gu dogorela gu vadwa, givili gyangu gi dzudzugwa ni gu hambaniswa ni Kristo, nari gupwani iso sa gu dzi kodza gu phasedzela vandriyangu nya mavelego.

Jakobe 5:17

Muprofeti Eliya a diri muthu kha nga ethu. Uye a di lombelela khu tshivba, gukhuye yi siwi ndzadzi, gu vbela myaga miraru ni livbandre na moyo migima nyambawa ndzadzi tigoni.