2 Samuweli 18:29 - Bhibhiliya Nya Guage

²⁹ Mufumeli a di hakha, khuye: “ Lidzaha Abhisalamo li ngari ladi, gani?” Ayimahasi a di hakha, khuye: “Gikhati Jowabhi a nga nyi ruma, eni githumi gyago, nyi wonide pfilupfilu nya yikhongolo ngudzu, aholu kha nyi giti ginani gi nga bani gi girega, mufumeli.”

2 Samuweli 18:29 Iomraidhean Croise

2 Samuweli 18:22

Ayimahasi, mwamana wa Sadhoki a di engedza a embela Jowabhi, khuye: “Gani ginani gi na dugelelago, eni neni nyi dige nyi landra Muetiyopi. Jowabhi a di khuye: “Mwanangu, u na tutuma u fela ginani, kholu tshatshazelo muni u na yi manago ga mahungu yaya?”

2 Samuweli 18:30

Mufumeli a di mu embela, khuye: “Ema avba bambe u lirela.” Khavbo avbo, uye a di ema a lirela.

2 Samuweli 18:32

Khavbo avbo, mufumeli, a di wudzisa Muetiyopi, khuye: “Lidzaha Abhisalamo li ngari ladi, gani?” Muetiyopi a di hakha, khuye: “Valala va mufumeli, mune wangu, ni vatshavbo vale va gu wugelago, va na godze lidzaha lolo.”

2 Samuweli 20:9

Khavbo avbo, Jowabhi a di embela Amasa, khuye: “Ndriyangu, u nga gu vbanya gwadi, gani?” Jowabhi a di mola giledzu gya Amasa khu mandza ya nyamudye gasi gu mu bhejari.

2 Dzipfhumu 4:26

Olu, khuga u mu khinga u mu wudzisa khuwe wa guta gwadi, gani? Mwama wago khwadi, gani? Mwanago nuye khwadi, gani?” Nyamayi a di hakha, khuye: “Hi ngari vadi.”