2 Samuweli 18:27 - Bhibhiliya Nya Guage

²⁷ Muemeledzi a di engedza gambe, khuye: “Matutumelo ya uye nya guphele, kha nga matutumelo ya Ayimahasi, mwamana wa Sadhoki.” Khavbo avbo, mufumeli a di khuye: “Muthu yoyo a guta khu wuwadi; a gu resa mahungu nya yadi.”

2 Samuweli 18:27 Iomraidhean Croise

2 Samuweli 18:26

Muemeledzi a di wona gambe mumbe mwama na guta khu gu tutuma, uye a di huweta khu vbanyangwatunu a ganela, khuye: “Nya gu wona gukheni a nguta gambe mumbe mwama na gu tutuma ekha.” Khavbo avbo, mufumeli a di ganela, khuye: “Uye nuye a gu resa mahungu nya yadi.”

1 Dzipfhumu 1:42

Na nga guganela, wona a dita Jonatane, mwamana wa muphasi nya mhamba Abhiyatari, Adhoniya a di mu embela, khuye: “Bela, uwe u mwama nya ndrena u resago mahungu nya yadi!”

2 Dzipfhumu 9:20

Muwoneleli a di tivisa mufumeli, khuye: “Uye nuye a vbohide avbo gwawe, aholu kha wuyi; gani olu magimbidziselo yakone nya kareta gukhwatshi khya Jewu, tugulu wa Ninisi, kholu a gu gimbila khu wurena.”

Mavingu 25:13

Mwango wu tumbegago ga avo va mu rumago, wa gu fanana ni thondrwane gikhati nya guvbwere, kholu, a ngu pepemedzisa mihefemulo ya vamune vaye.

Mavingu 25:25

Mahungu nya yadi ma dugelago tigoni ga hwindzo, ma gu fanana ni mati nya gudzidzile ma tshimago lidora.

Isaya 52:7

Edzi yi mburidego khidzo sigomoni migondro ya vale va tivisago mahungu nya yadi nya maphya, va pwadzago gurula; va tivisa silo nya sadi nya gutsakise si pwadzago guvbanyisa, oyu a embelago Siyoni, khuye: “Nungungulu wago a ngu fuma!”

Varoma 10:15

A na hongodzisa guwani muthu nya guya va tivisa, a gumba rumedwa? Kha nga gu ganedwago umo nya Milowo nya Guage, gupwani: “Gu ngu tshamba ngudzu gu wona gu vboha ga vale va hi reselago Mahungu nya Yadi.”