2 Samuweli 18:18 - Bhibhiliya Nya Guage

¹⁸ Abhisalamo na nga gu vbanya, a di emiside giwindri nya gialakanyiso, gi guromo kovani wa mufumeli, kholu uye a di gu ganela, khuye: “Eni nyi mwalo gyanana gasi guaalakanya lina langu; giwindri gegi a di gi thangisa lina laye; kala na muhuno ga gu ranwa pwani gialakanyiso gya Abhisalamo.”

2 Samuweli 18:18 Iomraidhean Croise

Genesi 11:4

Khu hwane nya ugo va di khavo: “Olu hongoleni hi vbahe lidhoropa ni langwe nya yikhongolo nya gulaphe ngudzu yi manela ndzadzini, kholu gu vbwetega hi pwala ndruma, gasi hi si phalalegiswi ni litigo latshavbo.”

Genesi 11:9

Khu guralo, lidhoropa lile li di ranwa gupwani Bhabheli, kholu khumo dhoropani momo Nungungulu a nga hambanisago maganelelo nya vathu a gu va phalalegisa ni litigo latshavbo.

Genesi 14:17

Abrama na gu wuya, hwane nya gu bani na pade Kedhorilawomeri ni vafumeli nya dzipari dzaye, mufumeli wa Sodhoma a di duga a mu khinga, aya mu hakha kovani ga Savhe, a gu kova wa Mufumeli.

2 Samuweli 14:27

Abhisalamo a di velegide sanana siraru nya sikhwathana ni gyagadzyana gimwegyo gi nga bani gi ranwa khu lina la Tamari, a diri nyamayi nya mburi ngudzu.

Dzindzimo 109:13

Livelego laye latshavbo li na vbele hilo bhi, ni lina laye li na futwe ga situgulwana si nga gutago.

Dzindzimo 49:11

Lithowo lawe li na khala dzinyumba dzawe, va na vbanya umo khu mimela ni mimelana. Ambari na va ningide lina mayigo yawe.

Isaya 22:16

Wa gu thuma ginani avba? Khu mani a gu ningidego nayo nya gukembe lithowo avba; nya gukala u pandra siwindri wulangani wu khusegidego u dzi girela wulanga wago nya mahegiso mugiwindrini!

Jeremiya 22:30

Pfhumu Nungungulu a ngu ganela kharati, khuye: “Muthu yoyu mu loveni nga moyo a gu mwalo sanana, guvbanyani gwaye gima kha na mana gukatega.” Kholu kha na dugelela ni moyo nya gyanana gyaye, a na gu khalago vbagikhalotunu nya wufumu wa Dhavhidhe, gumogo gambe ni gu fumela tigoni ga Judha.

Dhaniyeli 4:30

Khu gikhati gyogyo, gu di tadzisega magana ga Nabhukodhonosori, a di lundrwa vbakari nya vathu a ya hodza mwasi nga dzimombe ni gu naganiswa khu hunguva ya ndzadzini, kala ndzudzu waye wu dandra nga mitenga nya lighama, samba saye si lapha, si fanana ni sa sinyoni.

Mitengo 32:42

Nobha, a diya dzega litigo la Kenati gumogo ni mitalala yaye, a li riya lina laye khuye khu Nobha.

1 Samuweli 15:12

Samuweli a di vindruga gu ngari dzimindru gasi guya manana ni Sawule, aholu va di ya mu embela, khavo: “Sawule hongode Karimelo, a dzi vbahede vbale gialakanyiso nya gu mu lumbe; a vbindra a relela a hongola Giligali.”