2 Samuweli 18:14 - Bhibhiliya Nya Guage

¹⁴ Khavbo avbo, Jowabhi a di mu hakha, khuye: “Kha nyi vbweti gu luza gikhati khu mahungu yago avba.” Khu guralo, a di dzega matshari mararu aya paya khayo monyo wa Abhisalamo, na nga gu vbanya vbatshani nya nguhu.

2 Samuweli 18:14 Iomraidhean Croise

2 Samuweli 12:10

Khu guralo, litshari gima kha li na nga duga nyumbani gwago, kholu u nyi yeyiside, u dzega ngadza Uriya, nya Muhiti, a khala mwangadzi wago.

2 Samuweli 14:30

Khavbo avbo, Abhisalamo a di embela sithumi saye, khuye: “Wonani, lithembwe la Jowabhi ilo li dinganidego ni langu li na ni sivbila, indrani mu ya li vbisa khu nilo.” Sithumi sa Abhisalamo si diya li vbisa.

2 Samuweli 18:15

Abhisalamo a di randredwa khu likhumi madzaha nya vaphari nya matshari ya Jowabhi, va mu paya afa.

2 Samuweli 18:5

Mufumeli a di leletela Jowabhi, Abhisayi ni Itayi, khuye: “Mu nga girini guvivba ga lidzaha Abhisalamo.” Vathu vatshavbo va pwide avbo mufumeli a nga ningago sileletelo ga vathangeli vaye vatshavbo khu mahungu ya Abhisalamo.

2 Samuweli 19:1

Va di ya embela Jowabhi, khavo: “Mufumeli womo vbakari nya wuvi khu gu lila mwanaye Abhisalamo.”

2 Samuweli 19:11

Khavbo avbo, mufumeli Dhavhidhe a di embela vaphasi nya mhamba Sadhoki ni Abhiyatari, khuye: “Embelani madhota ya Judha, khenu: Khu ginani enu mu khalani va mahegisela gu wuyisani mufumeli gaya gwaye? Kholu magana yatshavbo ya na Israyeli ma vbohide ga mufumeli.

Joba 20:5

wudhumo wa va nya guvivbedwa khu monyo kha wuyi danga, ni gunengela nya sighohi, khwa matshigwanyana, gani?

Dzindzimo 37:35

Nyi wonide muthu nya guvivbe na tade khu gu dzi gugumugisa, a nava gu fanana ni simbo nya gunyuge wa Libhanoni.

Dzindzimo 45:5

Siholoma sago si lodzidwe, si ngu hekha monyo wa valala va Mufumeli; mayigo yatshavbo ma nguta khoza avbo gwago.

Matewu 12:40

Kha nga Jona a nga khalago girumbuni nya nyatudwi matshigu mararu wutshigu ni mihani, kharato nuye Mwamana wa Muthu a na khala vbavbatshi nya mafu matshigu mararu wutshigu ni mihani.

1 Vatesalonika 5:3

Gikhati vathu va ganelago, khavo: “Litigo li lade, gu mwalo gilo,” khavbo avbo gu natago, khu gipitipiti, gumbemba vbatshani gwawe. Va na khala nga nyamayi nya mimba gikhati a lumwago, kha va na vbuluga.

Valamuli 4:21

Khavbo avbo, Jayeli, mwangadzi wa Hebheri, a di dusa simbo nya tshatsha a rola gikhokhotho, a mu vandramela na lade ligovbe nya likhongolo, aya mu paya vbagiwombotunu, a khokhotha khu gikhokhotho kala simbo wu vbondza vbavbatshi, afa.

Valamuli 5:26

A di thawuludza mandza ya nyambade, a rola simbo nya tshatsha, khu mandza ya nyamudye, a rola gikhokhotho gya muthumi, a songa Sisera, a mu pola hungo, a mu pola hungo wu vbondza.

Valamuli 5:31

Pfhumu Nungungulu, valala vago va na fise guralo, aholu, avo va gu golago va na khale nga lidambo, avbo li dugago khu tshivba yaye yatshavbo.”