2 Samuweli 18:1 - Bhibhiliya Nya Guage

¹ Dhavhidhe a di saya vathu vaye, a emisa mbeli gwawe vathangeli nya sikwata nya likhumi mazana (1.000) niso nya lizana (100).

2 Samuweli 18:1 Iomraidhean Croise

Ekisodha 17:9

Mosi a di embela Josuwa, khuye: “Hi hathele vama nya gukari, u duga u ya dwana ni Amaleki. Eni mindru nyi na ya ema vbatshani nya gigomo na nyi pharide ndronga ya Nungungulu.”

Ekisodha 18:21

Uwe hatha vbakari nya vathu vatshavbo, vama nya gukari nya vadi ni lisine, va thavago Nungungulu, vama va tumbegidego, va si dzumeligo gurengeledwa, u va vega kha nga vathangeli nya likhumi mazana, nya lizana, nya livbandre magumi ni nya likhumi.

Ekisodha 18:25

Mosi a di hatha vbakari nya vathu vatshavbo va na Israyeli, vama nya vadi a va emisa mbeli nya vathu kha nga vathangeli nya likhumi mazana, nya lizana, nya livbandre magumi ni nya likhumi.

Mitengo 31:14

Mosi a di gorogela vathangeli nya nyimbi, dzindruna nya sikwata nya likhumi mazana, ni dzindruna nya sikwata nya lizana va nga bani va wuya khu nyimbitunu.

Dhewuteronome 20:9

Avbo dzindruna dzi na vbedzago gu ganela ga vathu, gu na hathwa vathangeli va na thangelago dzinyimbi va thanga mbeli nya vathu.

Josuwa 8:10

Josuwa a di wuga ni mambagugya a tshanganisa vathu a hongola gu ya dwana ni Ayi, uye ni madhota ya Israyeli va di thanga mbeli ga vathu.

1 Samuweli 22:7

Sawule a di va embela, khuye: “Yingisani enu sanana sa Bhejami, ina mwa gu pimisa gukhenu mwamana wa Jese a na mi ninga mayigo yatshavbo nya marembwe nya guyale miuvha, gani? Ina a na mi ninga mwatshavbo gu khala vathangeli nya sikwata nya likhumi mazana (1.000), ni lizana (100), gani?

1 Samuweli 8:12

vambe a na va gira dzindruna nya sikwata nya likhumi mazana, vambe nya sikwata nya livbandre magumi; vambe va lima marembwe yaye ni guvbwera dzimbewu dzaye; vambe va pfhula matshari nya nyimbi ni simbi nya dzikareta dzaye.