2 Samuweli 17:9 - Bhibhiliya Nya Guage

⁹ Olu uye a gu dzina sihade phalani nya gukari, mwendro wumbe wulanga nya gukari, avbo va na gyathu va na phedwago gu songwa, mahungu ma na dzegela gu phalalega gupwani: “Vathu va landrelago Abhisalamo va padwe.”

2 Samuweli 17:9 Iomraidhean Croise

2 Samuweli 17:10

Khavbo avbo, ambari vale va gu dzindrena va na dzima, ambari na vari ni monyo nya nga wa nghala, va na ndrendremela, kholu vatshavbo va na Israyeli va ngu muti gwadi gukhavo babe wago muthu nya tshivba, nari ni vama nya dzindrena.

2 Samuweli 17:8

Husayi a di engedza, khuye: Uwe u ngu wuti gwadi wundrena wa babe wago ni wa vama a gu navo, va ngu leva gu fanana ni nyari yi bedwego sanana saye, gambe babe wago muthu nya nyimbi, vbawutshigutunu, kha khali vbakari nya vathu.

Jeremiya 41:9

Nambo yoyu Ismayeli a negidego umo sirumbi nya vathu vava a va songidego, khu kotani ya Gedhaliya, khuwo wu nga bani na wu kembidwe khu mufumeli Asa, gasi gu dzi vhikela ga Bhahasa, mufumeli wa Israyeli; khuwo wa wumowo Ismayeli, mwamana wa Netaniya a nga wu tadzago khu sirumbi.

Josuwa 7:5

Vama va Ayi va di songa magumararu na livbandre na moyo vama, vambe va va lundra gukhugela nyangwatunu nya siwindri, va ya va sasela relelotunu; myonyo ya vathu yi di nyiviliga yi vbindrugedza yi khala mati.

Josuwa 8:6

Avo va na duga va hi landra kala hi va ndrindrela guya hwindzo ni lidhoropa; kholu va na, khavo: Ha gu va thava kha nga guhegulani. Khu guralo, hi na tutuma mbeli gwawe.

1 Samuweli 22:1

Dhavhidhe a di thava khu dhoropani ga Gati a hongola aya sihala phalani ga Adhulamo. Avbo vandriyaye gumogo ni ngamo ya babe waye va tugudego isoso, va di hongola kala iyoyo gasi guya manana naye.

1 Samuweli 23:22

Khu guralo, gimbilani, indrani mu ya vbwetedzela gwadi, mu tugula wulanga a olovelago gu manega avbo, ni gu khu mani a mu wonidego vbale; kholu va nyi tiviside gukhavo a na ni mano nya mangi ngudzu.

1 Samuweli 24:3

Uye a di vboha mavbandroni nya dzinvuta ma manegago ndzilani; avbo gu nga bani guri ni phago; Sawule a di bela umo gasi guya dzi ruma. Dhavhidhe gumogo ni masotshwa yaye va di khade khu wubambe nya phago.