2 Samuweli 16:4 - Bhibhiliya Nya Guage

⁴ Khavbo avbo, mufumeli a di hakha Zibha, khuye: “Khedza, satshavbo iso si nga bani siri sa Mefibhoseti, sa gu lumba uwe.” Zibha a di hakha, khuye: “Nyi na mane wuhigo mbeli gwago uwe mufumeli ni mune wangu.”

2 Samuweli 16:4 Iomraidhean Croise

2 Samuweli 14:22

Khavbo avbo, Jowabhi a di noga a thega vbavbatshi khu khovbe a yeyedza githawo, a bonga mufumeli, khuye: “Muhuno nyi ngu khodwa gukheni, nyi mane wuhigo mbeli gwago, uwe mufumeli ni mune wangu; kholu mufumeli dzumede gilombo gya githumi gyaye.”

2 Samuweli 14:4

Nyamayi yoyu wa Tekowa, a di ganela ni mufumeli, a thega vbavbatshi khu khovbe yaye a yeyedza githawo, khuye: “Ama mufumeli, nyi vbanyise.”

2 Samuweli 14:8

Mufumeli a di khuye: “Indra gaya gwago, nyi na tshala nyi wona mahungu yago.”

2 Samuweli 16:3

Mufumeli a di mu wudzisa, khuye: “Gasi womo hayi mwamana wa mune wago?” Zibha a di hakha mufumeli, khuye: “Tshade Jerusalema, kholu a di khuye: Muhuno va na Israyeli, va gu vbweta gu nyi bweledzela mufumo wa babe wangu.”

2 Samuweli 16:5

Avbo Dhavhidhe a nga vbohago Bhawurimi, gu di duga khu mule mwama moyo nya lifumbu la nyumbani ga Sawule, a nga bani na gu ranwa khu lina la Simeyi; mwamana wa Gera; a dita na gu yuyutela.

2 Samuweli 19:27

Gudiga nya isoso, uye a lembide githumi gyago ga mufumeli ni mune wangu; aholu uwe mufumeli ni mune wangu u womo kha nga ngilozi ya Nungungulu; khu guralo, gira esi u si wonago nari sadi mahoni gwago.

2 Samuweli 9:6

Mefibhoseti, mwamana wa Jonatane, wa Sawule, a dita ga Dhavhidhe, ata khidzima a thega khu khovbe mafuni a yeyedza githawo. Dhavhidhe a di mu rana, khuye: “Mefibhoseti.” Uye a di hakha, khuye: “Nyi womo avba, eni githumi gyago!”

2 Samuweli 9:9

Dhavhidhe a di rana Zibha, githumi gya Sawule, a mu embela, khuye: “Satshavbo si nga bani si lumba Sawule, ni ndranga yaye yatshavbo, nyi si ningede ga mwamana wa mune wago.

Ekisodha 23:8

U nga dzumeli gu rengeledwa khu dzisagwati, kholu sagwati yi ngu sega maho ya ava va wonago, yi wuya yi wegedza mahungu phathani ya ava va lulamidego.

Mavingu 18:13

Uye a vbiredzelago gu hakha na si gu yingisi, a gu yeyedza wupumbu ni gu dzi thela dzitshoni.

Mavingu 18:17

Gulamudwatunu uye a phelago khuye gu hakha a gu dzipwa nari ni lisine, khu hwane a ta konwa khuye a ketsaranago naye.

Mavingu 19:2

Mahingigedzo nyamba phela khu gupimisa kha ma phasi gilo, gututuma guvbindrwa khu gu gimbila khu gwadi.

Dhewuteronome 19:15

Muthu a gu bani giride gilo nya manyala, mwendro gu gira gighoho nya gukari; a nga giredwi wufakazi khu muthu moyo, aholu a na giredwe wufakazi khu vathu vavili mwendro vararu.