2 Samuweli 16:21 - Bhibhiliya Nya Guage

²¹ Ayitofeli a di embela Abhisalamo, khuye: “Indra uya dzegana ni sibhayi sa babe wago, esi a si tshidego gu sayisa ndranga yaye, avbo va na Israyeli va na gu pwago gupwani u giride livengo ni babe wago, avo va gu landrelago va na tiya hwambo.”

2 Samuweli 16:21 Iomraidhean Croise

Genesi 34:30

Khavbo avbo, Jakobe a di embela Simiyoni ni Levhi, khuye: “Mu nyi giride muthu nyamba tumbega, mu nyi sodzisa ga vathu va tigoni momu, Vakhanani ni Vaperezi, va na patana va nyi wugela, olu tengo nya vama nyi gu navo wu gu wudugwanana, va na nyi tshanisa va hegisa khu gu nyi mbembisa gumogo ni ngamo yangu yatshavbo.”

Genesi 35:22

Matshigu Israyeli a nga bani a gu vbanya tigoni mule, Rubheni a di bhaya ni Bhila, gibhayi gya babe waye, Israyeli a di mati mahungu yaya. Sanana sa Israyeli a diri likhumi na sivili.

Genesi 38:16

Judha a di hidzimela ga nyamayi aya mu embela, khuye: “Dzumela nyi ta lala nago!” “A di si dziti gukhuye khu ngadzamwane waye.” Nyamayi a di hakha, khuye: “Ginani u na nyi ningago khu gu lala ni eni?”

Genesi 6:4

Matshigu yoyo, ni matshigu ma landrelago, tigoni gu di romo vathu nya sidandrangulu ni tshivba, gikhati sivangwa sa ndzadzini si nga tshanganago ni vanyamahegyane va mafuni, va gu velega sanana, sanana sesi nya sidandrangulu, khu dzingwazi dzi nga pwala ndruma gu matshigu ya gale.

2 Samuweli 10:6

Avbo va na Amoni va nga wonago gukhavo va vbahide livengo ga Dhavhidhe, avo va di rumela myango gu ya ramba magumavili magumi mazana (20.000) vama nya Vaasiriya va Bheti-Rehobhi, ni Vaasiriya va Zobha, ni likhumi mazana (1.000) vama va mufumeli wa Mahaka, ni likhumi na mavili magumi mazana (12.000) va mufumeli wa Tobhi.

2 Samuweli 12:11

Khu guralo, Pfhumu Nungungulu a ngu ganela kharati, khuye: “Nyi na wusa libango nya likhongolo nyumbani gwago. Nyi na gu dzegela vagadzi vago nu gu va wona, nyi va ningela ga vambe vama va lala navo vbakari nya mihani.

2 Samuweli 13:5

Jonadhabhi a di mu embela, khuye: “Lala vbadawutunu gwago u gira gukhwatshi wa gu dwala; gasi babe wago a guta gukhuye a guta gu wusela, mu embele gukhuwe: Nya gu gu lomba gukheni u rumele ndriyangu Tamari a te ata nyi phulela na nyi gu mu wona bwelo khavbo a nyi ninga nyi hakha khu mandzani gwaye.”

2 Samuweli 15:16

Mufumeli a di duga a hongola, a landredwa khu vatshavbo va nyumbani gwaye, aholu, mufumeli a di tshiya likhumi sibhayi saye si sayisa ndranga.

2 Samuweli 16:20

Khavbo avbo, Abhisalamo a di embela Ayitofeli, khuye: “Nga ningani wanu wusingalagadzi ga iso hi yelago gu gira!”

2 Samuweli 17:7

Khavbo avbo, Husayi a di embela Abhisalamo, khuye: “Gulaya ga Ayitofeli ga muhuno khandri gwadi.”

2 Samuweli 2:7

Gasi olu mandza yanu ma na mane tshivba, mu khale vama nya dzindrena, kholu, Sawule mune wanu, songidwe, aholu va nyumbani ga Judha, va nyi todzide gu khala mufumeli vbatshani gwawe.”

2 Samuweli 20:3

Avbo Dhavhidhe a nga vboha gaya gwaye Jerusalema, mufumeli a di dzega sibhayi saye nya likhumi sile a nga bani a si tshide gu si sayisa ndranga yaye, a di si vega nyumbani nya gukari, a si sayisa ni gu si hodzisa; aholu uye gima kha nga tshangana navo malawu, a di va segela umo kala litshigu nya gufe gwawe, na va vbanya kha nga dzinoni.

1 Dzipfhumu 11:25

Uye a diri nala wa Israyeli, matshigu yatshavbo nya guvbanye gwa Solomoni, a di engedzela guvivba ga Hadhadhi. Uye a di fumela Siriya, a wona Israyeli kha nga nala waye.

1 Dzipfhumu 2:17

Uye a di engedza, khuye: “Nyi girele wuhindzi u nyi lombela ga mufumeli Solomoni, a nyi ninga Abhisagi nya Musumani a khala mwangadzi wangu, kholu nyi ngu dziti gukheni uye gima kha na gu bombela.”

1 Dzipfhumu 2:22

Mufumeli Solomoni a di hakha mayi waye, khuye: “Khu ginani u lombago basi Abhisagi nya Musumani gu khala ngadza Adhoniya? Lomba gambe ni mufumo wu khale waye, kholu khuye koma wangu, lombela gambe ni muphasi nya mhamba Abhiyatari ni Jowabhi, mwamana wa Zeruya.”

Levhi 18:8

U nga fununguli wumbwiri wa mwangadzi wa babe wago; kholu wumbwiri wa babe wago.

Levhi 20:11

Mwama a gu lala ni mwangadzi wa babe waye, funungude khu kharato wumbwiri wa babe waye, khu wuvili wawe va na songwe; novba wawe wu na thegele vbatshani gwawe.

Zakariya 8:13

Kha nga mu nga bani muri givalo vbakari nya mayigo, enu linyumba la Judha ni Israyeli, kharato gambe olu nyi na mi vbanyisa gasi mu khale gikategiso; mu nga thavi, tiyani longo.”

1 Vakorinto 5:1

Gu pwade ndruma khu mahungu nya wubhayi wu guromo vbakari gwanu, wubhayi nya guthise wu si tidwigo ambari khu va nya mayigo; gupwani moyo wanu dzegide mwangadzi wa babe waye.

1 Samuweli 13:4

Khu guralo, va na Israyeli va dipwa nya gupwani Sawule sasede gikwata nya vafilisitya, ni gupwani Israyeli giride livengo ga Vafilisitiya. Khu guralo, va na Israyeli va di rambwa guya tombana ga Sawule, dhoropani ga Giligali.

1 Samuweli 27:12

Akisi a di gu tumba ngudzu Dhavhidhe, na gu alakanya gukhuye: “Dhavhidhe a dzi girede livengo tigoni gwawe ga Israyeli; uye a na khala githumi gyangu kala gupindruga.”