2 Samuweli 16:2 - Bhibhiliya Nya Guage

² Mufumeli a di wudzisa Zibha, khuye: “Khya ginani isoso?” Zibha a di hakha, khuye: “Dziburu, nya gu vbweta gu khiledza ngamo ya mufumeli, sibaba ni mihandro nya maronga, si na bani na siri guhodza nya sithumi, wadwa va na sela giwulani gikhati va na gu garalago.”

2 Samuweli 16:2 Iomraidhean Croise

Genesi 21:29

Abhimeleki a di mu wudzisa, khuye: “Sa gu tshamusela ginani dzinvuta dzodzo nya livbandre na dzimbili u dzi kasidego phuvbo?”

Genesi 33:8

Esawu a di engedza, khuye: “Wa gu vbweta gukhuwe ginani khu mitsawa yatshavbo yile nyi nga yi manago na yi gu rumedwa khu uwe?” Jakobe a di hakha, khuye: “Khya gufela gu nyi mana wuhindzi gwago uwe pfhumu yangu u nyi hakha gwadi.”

2 Samuweli 15:1

Hwane nya esi, Abhisalamo a di dzi vbwetela dzikareta ni dzikavalu, ni livbandre magumi vama gasi va tutumatutuma mbeli gwaye.

2 Samuweli 15:23

Litigo latshavbo li di womba dzihuwa li lila, ni vathu vatshavbo navo gumogo ni mufumeli; va tshatuga tsongo wa Kedhroni, va thonona khu ndzila ya giwulani.

2 Samuweli 17:29

va dzega gambe ni wulombe, mahwe, dzinvuta ni dzitshege nya mahwe va si resa ga Dhavhidhe, gumogo ni vathu a nga bani nari navo, gasi va hodze kholu va di khavo: “Vathu vava va guromo giwulani va garade ni gupwa ndzala ni lidora.”

2 Samuweli 19:26

Uye a di hakha, khuye: “Uwe muemeli ni mune wangu, githumi gyangu khigyo gi nga nyi kanganyisa; kholu githumi gyago gi di gu, khigyo: Nyi na va embela va nyi ghabhatela buru nyi na khilela khiyo, nyi hongola ni mufumeli, kholu eni githumi gyago nyi gilima.

Ezekiyeli 37:18

Va na gyanu va gu gu wudzisa, khavo: Gasi khu vbweti gu hi embela sari khiso ginani silo sesi?

Valamuli 10:4

Uye a diri ni magumararu sanana si nga bani si gu khilela magumararu dziburu, na vari ni magumararu madhoropa va nga bani va ma rana khu lina la Havoti-Jayiri kala na muhuno; va guromo tigoni ga Gileyadhi.

Valamuli 5:10

Enu mu khiledego dziburu nya guage, enu mu khalago vbamalawutunu nya wumburi, ni enu mu gimbilago dzindzilani, phalalegisani mahungu yaya.

1 Samuweli 14:28

Khavbo avbo, moyo nya musotshwa a di khuye: “Babe wago sambanyide ga vathu a ganela, khuye: A na vadwe wule muhuno a na hodzago guhodza. Khu guralo, vathu va garade ngudzu.”

1 Samuweli 25:27

Oyu khu ningelo wu residwego khu githumi gyago ga mune wangu, gasi wu ningedwa ga madzaha ma landrelago mune wangu.