2 Samuweli 16:16 - Bhibhiliya Nya Guage

¹⁶ Husayi, Muaraki, pari ya Dhavhidhe a diya dzi wonegisa ga Abhisalamo, a mu embela, khuye: “Vbanya mufumeli, vbanya mufumeli!”

2 Samuweli 16:16 Iomraidhean Croise

2 Samuweli 15:32

Avbo Dhavhidhe a nga vboha tshokhatunu nya gigomo wulanga wu khozedwago avbo Nungungulu, Husayi, Muaraki, a di mu khinga na ambade libhadzi nya gulaphe nya sitsangala na tade hungoni gwaye khu kudzudzwane.

2 Samuweli 15:34

aholu wa gu bwelela dhoropani uya dzi ganelela ga Abhisalamo khuwe uwe u mufumeli wangu, eni nyi na khala githumi gyago, kha nga gale nyi khadego githumi gya babe wago, ni olu nyi na khala githumi gyago. Wa gu gira kharato, u na hi fuvisela wusingalagadzi wa Ayitofeli.

2 Samuweli 15:37

Khavbo avbo, Husayi, pari ya Dhavhidhe, a di bwelela dhoropani; gikhati Abhisalamo a nga bani na gu bela Jerusalema.

1 Dzipfhumu 1:25

Kholu uye muhuno relede aya ningela miphaso a paya dzimombe ni simombyana nya gunone, ni dzinvuta nya gutale. Rambide satshavbo sanana sa mufumeli, ni vathangeli nya masotshwa, ni muphasi nya mhamba Abhiyatari, olu va gu hodza, va sela gumogo naye na va gu ganela, khavo: A na vbanye mufumeli Adhoniya!

1 Dzipfhumu 1:34

Iyoyo, muphasi nya mhamba Sadhoki, ni muprofeti Natani, va naya mu todza khu mafura a khala mufumeli wa na Israyeli. Khavbo avbo, mu na womba pundru mu ganela, khenu: A na vbanye mufumeli Solomoni!

1 Dzipfhumu 4:5

Azariya, mwamana wa Natani, muthangeli wa vamwamangulu nya dzipayela; Zabhudi mwamana wa Natani; muphasi nya mhamba ni singalagadzi wa mufumeli;

2 Dzipfhumu 11:12

Khavbo avbo, Joyadha a di dusa mwamana wa mufumeli a mu ambagisa gihugu nya wufumu, a mu ninga Libhuku nya nayo; va mu todza gu khala mufumeli, va khwakhwata mandza, khavo: “A na vbanye mufumeli!”

Dhaniyeli 2:4

Vakalidhiya va di embela mufumeli khu Gisiriya khavo: “Uwe Mufumeli vbanya kala gupindruga! Hi embele ndroro yago, ethu sithumi sago, hi na gu ninga tshamuselo waye.”

Dhaniyeli 5:10

Avbo pfhumugadzi yi ngapwago ligwaha la mufumeli ni dzindruna dzaye, yi di bela nyumbani nya buzo yita, khiyo: Uwe mufumeli, vbanya kala gupindruga! U nga thurugi ambari gu thuviga khovbe.

Dhaniyeli 6:21

Dhaniyeli a di embela mufumeli, khuye: “Uwe mufumeli, vbanya kala gupindruga!

Dhaniyeli 6:6

Khavbo avbo, vamwamangulu ni vathangeli vava, va di pwanana khu gisihaledza va hongola gumogo ga mufumeli, vaya mu embela, khavo: Uwe mufumeli Dhariyo, vbanya kala gupindruga!

Matewu 21:9

Avo va nga bani va thangide mbeli navo va nga bani va guta khu hwane, vatshavbo va di mu kulungela, khavo: “Hosana ga Mwamana wa Dhavhidhe! A na rungudzwe uye a tago linani la Pfhumu! Hosana vbatshani Ndzadzini!”

1 Samuweli 10:24

Khavbo avbo, Samuweli a di embela vathu vatshavbo, khuye: Mu ngu mu wonani uye a hathidwego khu Pfhumu Nungungulu, gani? Kholu ga vathu vatshavbo mwalo a fananago naye. Khavbo avbo, vathu vatshavbo va di kulungela khu gutsaka, khavo: “A na vbanye mufumeli!”