2 Samuweli 16:12 - Bhibhiliya Nya Guage

¹² A gu dzina saye Pfhumu Nungungulu a na wona gutshaniseka gwangu, a nyi ninga gurula khu kotani nya gu nyi vale gwaye.”

2 Samuweli 16:12 Iomraidhean Croise

2 Samuweli 16:13

Khu guralo, Dhavhidhe ni vathu vaye, va di dzi pharela ndzila yawe va hongola; Simaya nuye a di phara yaye ndzila a gimbila khu wubambe nya gigomo, na gu mu yuyutela ni gu mu rinyela siwindri ni gu mu pfuledzela mafu.

2 Dzipfhumu 19:4

A gu dzina saye, Pfhumu Nungungulu wago, a yingiside magana ya Rabhisaki ayo a rumedwego khu mune waye, mufumeli wa Asiriya, guta vala Nungungulu a vbanyago, mwendro saye Pfhumu Nungungulu wago a na kawuka magana yaya a ma pwidego; gasi olu gira nombelo khu vathu vava vatshadego!”

Dzindzimo 10:14

Aholu Uwe u ngu wona, guvbisega ni gutshaniseka, u si vega mandzani gwago. Uye a sanisekago a gu dzi ningela mandzani gwago; uwe khuwe u vhikelago khulungu.

Dzindzimo 109:28

Kha nyi khathali nya gu vadwa khu avo, nya gikhongolo khu gu kategiswa khu uwe; valala vangu va na thedwe dzitshoni, gasi eni githumi gyago nyi na nengele.

Dzindzimo 132:1

Uwe Pfhumu Nungungulu, u nga divali Dhavhidhe, mugulingwani gwaye gwatshavbo;

Dzindzimo 25:18

Wona gugaradzega ni guvbisega gwangu, u nyi divalela siwono sangu satshavbo.

Mavingu 25:22

Kholu wa gu gira kharato, uwe u na wungedzela magala nya gudzure hungoni gwaye, Pfhumu Nungungulu a na gu ninga tshatshazelo.

Mavingu 26:2

Gukhwatshi khu ginyoni gi vbuvbago nyamba mbaka, gukhwatshi khu ndrewulewu guvbuvbani gwaye, kharato nugo guyuyuta nyambana gighelo, kha gu phasi gilo.

Isaya 27:7

Ina kamwe Pfhumu Nungungulu vetide Israyeli, kha nga idzo a vetidego khidzo avo va nga mu vetago, gani? Mwendro uye a va songide kha nga idzo a songidego khidzo avo va mu songidego, gani?

Joyele 2:14

A gu dzina saye a na bwelela hwane a dzi laya, a mu ninga makategwa, a mu ninga wuguvbi ni miningelo nya vhinya nya guphasele khiso Pfhumu Nungungulu wanu.

Varoma 8:28

Hi ngu dziti nya gukhethu Nungungulu vegedzede satshavbo gasi gu phasedzela vale va mu golago, avo va ranidwego khu guhaladza gwaye.

2 Vakorinto 4:17

Kholu gusaniseka gwathu nya guvbevbuge nya gikhatinyana gwa gu hi dongisela guya bela wudhumoni nya wukhongolo nyamba vbela, wudhumo wu vbindrago gusaniseka gwatshavbo.

Dhewuteronome 23:5

Khu guralo, Pfhumu Nungungulu wago, kha yingisa guvala ga Bhalahama; aholu, a di vbindrugedza givalo khu gikategiso, kholu Pfhumu Nungungulu wago a di gu mi gola.

Dhewuteronome 23:6

Khu kotani nya isoso, u nga va ningi gurula ambari wuwadi ga matshigu yatshavbo nya guvbanye gwago kala gupindruga.

2 Vatesalonika 1:7

Gasi enu mu nga sanisekago gumogo ni ethu, a na hi ninga guhefemula gikhati a na gutago khu Ndzadzini Pfhumu Jesu Kristo, gumogo ni dzingilozi dzaye, na tade khu tshivba.

Vahebheru 12:10

Vavelegi vathu nya giwuthu va di hi tsayisa gikhati nya gidugwanana, gupima khu ugo va nga gu wona nari gwadi, gasi Nungungulu, a gu hi tsayisa khu gufela gukhuye hi phasege, hi mana gu bela guagani gwaye.

1 Samuweli 1:11

A di gira gisambanyo a ganela, khuye: “Ama Pfhumu Nungungulu nya Tshivba Yatshavbo, nari gukhwatshi wa gu wona tshanisa ya githumi gyago, nari pwani nya gu mana wuhigo nya gu nyi ninge gyanana nya gikhwathana, eni nyi di hadza gu gi phasela ga Pfhumu Nungungulu matshigu yatshavbo nya guvbanye gwaye, ni ndzudzu waye, wu di hadza gumba gaywa khu gisingwana.”