2 Samuweli 15:25 - Bhibhiliya Nya Guage

²⁵ Khu guralo, mufumeli a di embela Sadhoki, khuye: Bweledza dhoropani Ngasa nya Gidzumeledzwano ya Nungungulu. Nya gu mana wuhigo mbeli ga Pfhumu Nungungulu, uye a na nyi bweledza nyaluphye nyi ya yi wona ni gu wona nyumba yakone.

2 Samuweli 15:25 Iomraidhean Croise

2 Samuweli 6:17

Va di bedza Ngasa ya Pfhumu Nungungulu, va ya yi vega wulanga waye tshatshani wu nga bani wu dongisedwe khu Dhavhidhe; khavbo avbo, Dhavhidhe, a di ningela miphaselo nya guvbiswe ni miningelo nya gurule mbeli ga Pfhumu Nungungulu.

2 Samuweli 7:2

mufumeli a di ganela ni muprofeti Natani, khuye: “Nga wona, eni nya gu khala nyumbani nya gwadi nya sedhari, aholu Ngasa ya Pfhumu Nungungulu yi khala Tshatshani.”

Dzindzimo 122:1

Nyi nengede gikhati nyi nga embedwa, gupwani: “Hongoleni Nyumbani ga Pfhumu Nungungulu!”

Dzindzimo 122:9

Khu kotani nya lihaladzo nya Nyumba ya Pfhumu Nungungulu wathu, nyi na gu lombela makategwa.

Dzindzimo 26:8

Pfhumu Nungungulu, eni nyi ngu gola wumburi nya Nyumba yago, ni wulanga wu wonegago avbo wudhumo wago.

Dzindzimo 84:10

Kholu gu khala litshigu limwedo basi nyumbani gwago, gwadi guvbindra gu khala likhumi mazana matshigu vbavbandze. Nyi ngu gola gu khala musayisi nya lidimba Nyumbani gwa Nungungulu wangu, guvbindra gu ya khala mitshatshani ya va nya guvivba.

Ekisodha 15:13

Khu wuwadi wago u thangede vathu vago U va dzegisidego, U di va hetedza khu tshivba yago U va yisa wulangani gwago nya guage.

Ekisodha 33:12

Mosi a di ganela ga Pfhumu Nungungulu, khuye: “Uwe wa gu nyi embela, khuwe: Dusa vathu vava; aholu khu nyi tivisi oyu u mu rumidego gasi gu nyi bangaladza. Ambari ulo u ganede khuwe eni nyi ngu guti khu lina, gambe u mane wuhigo mahoni gwangu.

Ekisodha 33:13

Khu guralo, olu, a gu bani ari lisine gukhuwe nyi mane wuhigo mahoni gwago, nyi ngu lomba u nyi embela gikhungo gyago, nyifela gu guti gasi nyi kodza gu gu nengedzisa. Pima gukhuwe vathu vava litigo lago.”

Isaya 38:22

Khavbo avbo, Ezekhiya a di va wudzisa, khuye: “Khu gevbini giyeyedzo gyakone nyi na khodwago khigyo kheni nyi na gwela nyiya Nyumbani ga Pfhumu Nungungulu?”

Jeremiya 25:30

Pfhumu Nungungulu a di engedza a nyi embela, khuye: “Uwe u na va tivisa satshavbo silo sesi u va embela, khuwe: Pfhumu Nungungulu a na bhonga khu vbatshani ndzadzini gu pwala lito laye khu nyumbani gwaye nya guage; a bhongela vathu vaye khu tshivba, va womba huwa nya litsako nya nga la avo va gamago dziuvha ni ga vatshavbo vavbanyi va mafuni.

Jeremiya 7:4

Mu nga dzi kanganyisi khu gu ganelani, khenu: Eyi khu Nyumba ya Pfhumu Nungungulu, eyi khu Nyumba ya Pfhumu Nungungulu, eyi khu Nyumba ya Pfhumu Nungungulu. Khiyo eyi.