2 Samuweli 15:24 - Bhibhiliya Nya Guage

²⁴ A dita nuye Abhiyatari ni Sadhoki, ni vatshavbo va na Levhi, na va rwade Ngasa nya Gidzumeledzwano gya Nungungulu; va di vega vbale Ngasa nya Gidzumeledzwano gya Nungungulu kala vathu vatshavbo va duga dhoropani.

2 Samuweli 15:24 Iomraidhean Croise

2 Samuweli 15:27

Mufumeli a di embela muphasi nya mhamba Sadhoki, khuye: “Wona, gasi khandri uwe mwama nya liwoni, gani?” Bwelelani khu gurula muya dhoropani, gumogo ni sanana sanu mwanago Ayimahasi, Jonatane mwamana wa Abhiyatari.

2 Samuweli 15:35

Vaphasi nya mhamba Sadhoki ni Abhiyatari, va na bani vari nago. Satshavbo iso u na gu si pwago na si gu dugelela nyumbani nya wufumu, u naya embeledzela Sadhoki ni Abhiyatari.

2 Samuweli 20:25

Sevha a diri mulovi; Sadhoki ni Abhiyatari, va diri vaphasi nya mhamba;

2 Samuweli 6:13

Avo va nga bani va rwala Ngasa ya Pfhumu Nungungulu, gikhati ni gikhati, va nga bani va gimbila livbandre na mweyo dzitawu va di gira miphaselo khu dzimombe ni dzinvuta nya gunone.

2 Samuweli 8:17

Sadhoki, mwamana wa Ayitubhi, ni Ayimeleki, mwamana wa Abhiyatari, va diri vaphasi nya mhamba; Seraya, a diri mulovi.

1 Dzipfhumu 1:8

Aholu muphasi nya mhamba Sadhoki, ni Bhenaya mwamana wa Joyadha, ni muprofeti Natani, ni Simeyi, ni mufumeli, ni dzindrena dzi nga bani dziri ni Dhavhidhe, va diri mwalo gumogo ni Adhoniya.

1 Dzipfhumu 2:26

Aholu ga muphasi nya mhamba Abhiyatari, mufumeli a di mu embela, khuye: “Khuga u hongole mahangeni gwago Anatoti, kholu uwe nuwe u di gu fanedwa khu lufu, aholu muhuno kha nyi na gu songa, kholu u di gu rwala Ngasa nya Gidzumeledzwano mbeli ga babe wangu Dhavhidhe, gambe u tshanisekide gumogo ni babe wangu musigaradzoni gwaye gwatshavbo.”

1 Dzipfhumu 2:35

Khu guralo, mufumeli a di vega Bhenaya, mwamana wa Joyadha, wulangani gwaye, kha nga muthangeli nya nyimbi; a gu vega Sadhoki, gu khala muphasi nya mhamba wulangani ga Abhiyatari.

1 Dzikoronika 15:2

Khavbo avbo, Dhavhidhe a di khuye: “Mwalo a yelago gu dzega Ngasa nya Gidzumeledzwano ya Nungungulu, vbavbandze ga va na Levhi, kholu khavo va hathidwego khu Pfhumu Nungungulu gasi gu yi rwala ni gu mu khozela gikhati gyatshavbo.”

Ezekiyeli 48:11

Gi na lumba vaphasi nya mhamba va agisedwego, a gu sanana sa Sadhoki, va tumbegidego gu nyi thumela, va ngamba ndreya ndzilani gwangu kha nga idzo va giridego va na Levhi, gikhati va na Israyeli va ndreyidego ndzilani gwangu.

Mitengo 4:15

Avbo Aroni gumogo ni sanana saye, a na gu bani na vbedzide gu fenengedzela Wulanga nya Guage ni satshavbo sombo sa vbawulangatunu nya guage, gikhati li khugago lizumbo, sanana sa Khowati si nata si ta rwala; aholu, va nga kuhi silo nya guage, kholu va ngafa; thumo wowu wa gu lumba va na Khowati, umo nya Tshatsha nya Tshangano.

Mitengo 7:9

Aholu va na Khowati kha nga va ninga gilo, kholu va diri ni thumo nya gusayise sombo nya agiswe, va nga yela gu si rwala magatani gwawe.

Josuwa 3:3

“Mwa gu wonani Ngasa nya Gidzumeledzwano gya Pfhumu Nungungulu wanu, na yi rwadwe khu vaphasi nya mhamba va na Levhi, mu na khuga vbalizumbotunu gwanu mu phara ndzila mu yi landra.

Josuwa 3:6

Khu hwane, a di embela vaphasi nya mhamba, khuye: “Dzegani Ngasa nya Gidzumeledzwano mu thanga mbeli nya vathu.” Khavbo avbo, avo va di dzega Ngasa nya Gidzumeledzwano va thanga mbeli ga vathu.

Josuwa 6:4

Livbandre na vavili vaphasi nya mhamba va na thanga mbeli nya Ngasa nya Gidzumeledzwano, na va gu womba livbandre na mivili mipundru; khu litshigu nya livbandre na mavili, mu na dzundruluga lidhoropa livbandre na dzimbili dzinyondro, gumogo ni vaphasi nya mhamba na va gu womba mipundru.

Josuwa 6:6

Josuwa, mwamana wa Nuni, a di tombanisa vaphasi nya mhamba, a va embela, khuye: “Rwalani Ngasa nya Gidzumeledzwano, gumogo ni livbandre na vavili vaphasi nya mhamba ni livbandre na mivili mipundru, va thanga mbeli nya Ngasa.”

1 Samuweli 22:20

Aholu ga sanana sa Ayimeleki, mwamana wa Ayitubhi, a di vbuluga moyo basi a nga thavago ni Dhavhidhe, a ranwago khu lina la Abhiyatari;

1 Samuweli 4:11

Ngasa ya Nungungulu yi di wandrwa, gu songwa sanana sa sivili sa Eli, Hofini ni Fineya.