2 Samuweli 15:20 - Bhibhiliya Nya Guage

²⁰ U ngari gu vboha vbanova, ina nyi nga gu dzega nyi legalega nago, eni nyi si guti umo nyi hongolago, gani? Bwelela uwe gumogo ni vandriyago. Wuhigo ni wuwadi wu na khale nago.”

2 Samuweli 15:20 Iomraidhean Croise

2 Samuweli 2:5

Khavbo avbo, Dhavhidhe a di rumela myango ga vathu va Jabhesi-Gileyadhi, a va embela, khuye: “Pfhumu Nungungulu, a na mi kategise kholu mu giridego wuwadi ga mune wanu Sawule, kholu mu mu dzingidego!

2 Samuweli 2:6

Khu guralo, Pfhumu Nungungulu, a na tumbege ni gu mi girelani wuhindzi; eni neni nyi na mi girelani wuwadi wowo, kholu mu giride silo nya sadi.

Dzindzimo 25:10

Dzindzila dza Pfhumu Nungungulu dzatshavbo lihaladzo ni lisine, ga vatshavbo va vegisago gidzumeledzwano gyaye ni sileletelo saye.

Dzindzimo 56:8

Uwe u gutide gusaniseka gwangu; u hengeledzede marongo yangu gyomboni; ina khwa si lova libhukuni gwago, gani?

Dzindzimo 57:3

Uye khu ndzadzini a ngu nyi rumela giphaso gyaye a nyi vbulugisa; fenengedza khu dzitshoni avo va nyi bayisago. Rumela wuhindzi ni gutumbega gwago.

Dzindzimo 59:15

Va gu legalega dhoropani nga dzimbwa va vbweta gilo nya guhodze va huhula nyamba mana guhodza nya guenele, va gu dzuwulugela wutshigu watshavbo.

Dzindzimo 61:7

A na simame kala gupindruga mbeli ga Nungungulu; a na sayisege khu lihaladzo ni gutumbega.

Dzindzimo 61:8

Kharati, nyi na rungudza lina lago kala gupindruga, litshigu ni litshigu nyi landrisa sisambanyo sangu.

Dzindzimo 85:10

Wuhigo ni lisine si di tshangana, gululama ni gurula si di losana.

Dzindzimo 89:14

Wufumu wago wu tiyisidwe khu gululama ni lisine, lihaladzo ni gutumbega somo mbeli gwago.

Mavingu 14:22

Avo va lugago makungo nya ugo nya guvivbe, va gu gira gihoso! Aholu lihaladzo ni gutumbega, somo ga avo va lulamidego.

Mavingu 3:3

Wuhindzi ni gutumbega u nga hambani naso! Si hungelele thamoni gwago, u si lova monyoni gwago!

Amosi 8:12

Va na legalega khu linene vaya ga limbe linene, gukhugela Wuronga kala Khugadambo; va na gimbila maphuvbo yatshavbo, na va guvbweta mahungu ya Pfhumu Nungungulu, aholu kha va na ma mana.

Johane 1:17

Kholu, Nayo wu vegidwe khu Mosi, gasi wuhigo ni lisine, hi si hakhide khu tshivba ya Jesu Kristo.

1 Samuweli 23:13

Khavbo avbo, Dhavhidhe a di khuga khu vbale gumogo ni masotshwa yaye, khu tengo nya livbandre na limwedo mazana vama, va di duga khu dhoropani ga Keyila va hongola nyamba tidwa va guya hayi. Avbo a nga tiviswago Sawule gupwani Dhavhidhe khugide khu Keyila, a di thindreka guya mu dwanisa.