2 Samuweli 15:18 - Bhibhiliya Nya Guage

¹⁸ Vathu vaye vatshavbo va di thanga mbeli gwaye; gumogo ni Vakereti vatshavbo, ni Vapeleti vatshavbo, ni Vageti vatshavbo, va diri livbandre na limwedo mazana va ngata khu Gati khu mawundru va thanga mbeli gwaye.

2 Samuweli 15:18 Iomraidhean Croise

2 Samuweli 15:17

Avbo mufumeli a nga duga a hongola, a di landredwa khu vathu vatshavbo, vaya ema khu nyumba ya mahegiso.

2 Samuweli 18:2

Khu hwane Dhavhidhe a di rumela vathu khu sikwata siraru, gipandre gimwegyo nya wuraru gi thangedwa khu Jowabhi, gimbe gipandre nya wuraru gi thangedwa khu Abhisayi, ndruye wa Jowabhi, mwamana wa Zeruwa, gimbe gipandre nya wuraru gi thangedwa khu Itayi, Mugeti. Mufumeli a di ganela ga vathu, khuye: “Eni neni nyi na duga nanu.”

2 Samuweli 20:23

Jowabhi a diri muthangeli nya nyimbi yatshavbo ya na Israyeli, gasi Bhenaya, mwamana wa Joyadha, a di emisidwe gu thangela Vakereti ni Vapeleti.

2 Samuweli 20:7

Khu guralo, vama va Jowabhi, va di mu lundra gumogo ni Vakereti, Vapeleti ni dzatshavbo dzindrena; va di duga khu Jerusalema, gasi gu lundra Sebha, mwamana wa Bhikiri.

2 Samuweli 6:10

Khavbo avbo, Dhavhidhe, kha nga dzumela gukhuye Ngasa ya Pfhumu Nungungulu yi bela nyumbani gwaye Dhoropani ga Dhavhidhe, aholu a di yisa nyumbani ga Obhedhi-Edhomi, Mugati.

2 Samuweli 8:18

Bhenaya, mwamana wa Joyadha, a diri muthangeli nya Vakereti ni Vapeleti; gasi sanana sa Dhavhidhe, si diri dzindruna dza mufumeli.

1 Dzipfhumu 1:38

Khavbo avbo, muphasi nya mhamba Sadhoki, muprofeti Natani, Bhenaya, mwamana wa Joyadha, Vakereti ni Vapeleti va di relela vaya khiledza Solomoni vbamulatunu ya mufumeli Dhavhidhe, vaya naye Giyoni.

1 Dzikoronika 18:17

Muthangeli wa na Keleti ni va na Peleti, a diri Bhenaya, mwamana wa Joyadha. Aholu, sanana sa Dhavhidhe va diri vakhongolo gulandrela mufumeli.

1 Samuweli 23:13

Khavbo avbo, Dhavhidhe a di khuga khu vbale gumogo ni masotshwa yaye, khu tengo nya livbandre na limwedo mazana vama, va di duga khu dhoropani ga Keyila va hongola nyamba tidwa va guya hayi. Avbo a nga tiviswago Sawule gupwani Dhavhidhe khugide khu Keyila, a di thindreka guya mu dwanisa.

1 Samuweli 25:13

Dhavhidhe a di embela masotshwa yaye, khuye: “Moyo ni moyo a na hunge giwununi litshari laye. Khu guralo muthu ni muthu a di hunga litshari laye, Dhavhidhe nuye a hunga laye; va di gwela va landra Dhavhidhe tengo nya mazana mana (400) vama, mazana mavili (200) va di tshala va ghadha sombo.”

1 Samuweli 27:3

Dhavhidhe gumogo ni masotshwa yaye va di ya vbanya ni Akisi. Dhoropani ga Gati, moyo ni moyo ni ngamo yaye; Dhavhidhe nari ni vagadzi vaye vatshavbo, a gu Ahinohani, muzereyeli ni Abhigayili, noni ya Nabhali, mukarimeli.

1 Samuweli 27:4

Sawule na tivisidwe gupwani Dhavhidhe thavede Gati, a di diga gu mu landrelela.

1 Samuweli 30:1

Na gu vbindride matshigu mararu, avbo Dhavhidhe a nga vboha dhoropani ga Zikalagi ni vathu vaye, Vaamaleki va di bede khu phuvbo ga Marandzi, va sasela lidhoropa la Zikalagi gumogo ni gu livbisa khu nilo.

1 Samuweli 30:14

Hi di hongode hi ya sasela phuvbo ga Marandzi wa Vakereti, ni litigo la Judha gumogo ni Marandzi wa Kalebi, hi rotha nilo dhoropani ga Zikalagi.”

1 Samuweli 30:9

Khu guralo Dhavhidhe a di khuga nari ni livbandre na limwedo mazana (600) vama, aya vboha gitsongwanani gya Bhesori, va di ta ema avbo ga avo va nga bani na va tshade hwane.