2 Samuweli 15:15 - Bhibhiliya Nya Guage

¹⁵ Vathu vaye va di hakha mufumeli wawe, khavo: “Khethu ava sithumi sago, si na girege satshavbo kha nga gu gola ga mufumeli, mune wathu.”

2 Samuweli 15:15 Iomraidhean Croise

2 Samuweli 15:14

Dhavhidhe a di embela vathu vaye vatshavbo a nga bani nari navo Jerusalema, khuye: “Hongoleni hi thava khu guvbiredza, kholu mwalo a na gu vbulugago ga Abhisalamo! Hongoleni hi thave, gasi a si hi mani khu githugedza, hi thegedwa khu libango, gu sasedwa lidhoropa khu matshari.”

2 Samuweli 15:16

Mufumeli a di duga a hongola, a landredwa khu vatshavbo va nyumbani gwaye, aholu, mufumeli a di tshiya likhumi sibhayi saye si sayisa ndranga.

2 Samuweli 9:11

Zibha a di embela mufumeli, khuye: “Kha nga idzo mufumeli ni mune wangu a rumago khidzo, githumi gyago gi na gira kharato.” Khavbo avbo, Mefibhoseti a di hodza vbamezatunu ga Dhavhidhe, kha nga moyo nya sanana sa mufumeli.

Mavingu 18:24

Uye a vbwetago dzipari nya dzingi a gu dzi vbwetela libango, aholu dzomo dzipari dzi tumbegago guvbindra ndriyago.

Johane 15:14

Enu mu dzipari dzangu mwa gu girani iso nyi mi rumago.

1 Samuweli 14:7

Khavbo avbo, muphari nya matshari yaye, a di mu hakha, khuye: “Gira iso u si wonago na si gu godwa khu monyo wago; kheni oyu, nyi nago, iso u si pimisago nyi womo nago.”