2 Samuweli 15:1 - Bhibhiliya Nya Guage

¹ Hwane nya esi, Abhisalamo a di dzi vbwetela dzikareta ni dzikavalu, ni livbandre magumi vama gasi va tutumatutuma mbeli gwaye.

2 Samuweli 15:1 Iomraidhean Croise

2 Samuweli 12:11

Khu guralo, Pfhumu Nungungulu a ngu ganela kharati, khuye: “Nyi na wusa libango nya likhongolo nyumbani gwago. Nyi na gu dzegela vagadzi vago nu gu va wona, nyi va ningela ga vambe vama va lala navo vbakari nya mihani.

1 Dzipfhumu 1:33

Mufumeli a di va embela, khuye: “Indrani mu ya dzega sithumi sa mune wanu mu ya naso gumogo, mu ya khiledza mwanangu Solomoni vbamulatunu gwangu, mu mu reledza Giyoni.

1 Dzipfhumu 1:5

Khavbo avbo, Adhoniya, mwamana wa Hagiti, a di khuga na tade khu matshandza a ganela, khuye: “Eni kheni nyi na fumago.” A di dongisela dzikareta ni vakhileli nya dzikavalu, ni livbandre magumi vama, gasi avo va tutuma mbeli gwaye.

Dzindzimo 20:7

Vambe va gu tumba dzikareta, vambe va tumba dzikavalu; gasi ethu ha gu rana lina la Pfhumu Nungungulu wathu.

Mavingu 11:2

Avbo gu guromo matshandza, dzomo gambe dzitshoni, aholu ga avo va dzi nogisago, gomo guti.

Mavingu 16:18

Matshandza ma gu rana libango, ni gu dzi khusedza gwa gu thangela lufu.

Mavingu 17:19

Uye a golago mayunga, a gu gola gighoho, ni uye nya guganele ngudzu a gu dzi vangela libango.

Dhewuteronome 17:16

Aholu, mufumeli yoyo kha gu vbwetegi a dzi garadza khu gu mana dzikavalu nya dzingi, gambe kha gu vbwetegi gu a gurumedza vathu gu bwelela gambe tigoni ga Egipito, gasi guya mana dzikavalu nya dzingi; kholu Pfhumu Nungungulu a mi embede, khuye: Gima kha mu na bwelela gambe khu ndzila yeyi.

1 Samuweli 8:11

a ganela, khuye: “Dzifanelo dza mufumeli a na gu mi fumelago khedzi: Uye a na dzega madzaha yanu ma khala masotshwa nya gugimbidzise dzikareta dzaye gumogo ni gu khala vakhileli nya dzikavalu, gasi dzi tutuma mbeli gwaye;