2 Samuweli 14:4 - Bhibhiliya Nya Guage

⁴ Nyamayi yoyu wa Tekowa, a di ganela ni mufumeli, a thega vbavbatshi khu khovbe yaye a yeyedza githawo, khuye: “Ama mufumeli, nyi vbanyise.”

2 Samuweli 14:4 Iomraidhean Croise

2 Samuweli 1:2

khu litshigu nya wuraru, gu di vboha muthu na guta khu wughoveloni ga Sawule, dzingandzu dzaye na dzi pferugede, na phorode hungoni khu mafu. Na vbohide vbafuvbi ga Dhavhidhe, a dita thega vbavbatshi a noga a yeyedza githawo.

2 Samuweli 14:22

Khavbo avbo, Jowabhi a di noga a thega vbavbatshi khu khovbe a yeyedza githawo, a bonga mufumeli, khuye: “Muhuno nyi ngu khodwa gukheni, nyi mane wuhigo mbeli gwago, uwe mufumeli ni mune wangu; kholu mufumeli dzumede gilombo gya githumi gyaye.”

2 Samuweli 14:5

Mufumeli a di mu wudzisa, khuye: “Gasi mahungu muni?” Uye a di hakha, khuye: “Eni nyi nyamayi nya noni, nyi fedwego khu mwama wangu.

2 Samuweli 18:28

Ayimahasi a di laledza a embela mufumeli, khuye: “Gurula!” A di noga mbeli ga mufumeli, a tsitsa khu khovbe mafuni a yeyedza githawo, a ganela, khuye: “A na dhumiswe Pfhumu Nungungulu wago, a hi ningidego mandzani gwathu vathu va nga khusedzago mandza va wugela mufumeli, mune wangu.”

1 Samuweli 20:41

Hwane nya gu na li hongode lidzaha, Dhavhidhe a di duga khu phuvbo ga Marandzi nya giwindri, a khidzima guraru a kuha mafu khu khovbe mbeli ga Jonatane. Khavbo avbo, va di vbanganana na va gu bhejarana vatshavbo va di lila; Dhavhidhe khuye a nga lila ngudzu guvbindra Jonatane.

1 Samuweli 25:23

Avbo Abhigayili a nga wona Dhavhidhe, a di dzegela gu tshiga khu vbaburutunu a khidzima a nogisa khovbe yaye kala mafuni mbeli ga Dhavhidhe.