2 Samuweli 14:27 - Bhibhiliya Nya Guage

²⁷ Abhisalamo a di velegide sanana siraru nya sikhwathana ni gyagadzyana gimwegyo gi nga bani gi ranwa khu lina la Tamari, a diri nyamayi nya mburi ngudzu.

2 Samuweli 14:27 Iomraidhean Croise

2 Samuweli 11:2

Khu limbe litshigu ni silambo, Dhavhidhe a di wuga khu vbadawutunu gwaye, a gimbilagimbila vbatshani nya langwe nya nyumba yaye nya wufumu; khavbo avbo, nari khu vbalangwetunu, a di wona nyamayi na gu hamba; nyamayi yoyu a di mburide ngudzu.

2 Samuweli 13:1

Abhisalamo, mwamana wa Dhavhidhe, a diri ni ndruye nya gumbure ngudzu, lina laye a nga bani nari uye Tamari. Amoni, mwamana wa Dhavhidhe, a di vbela mapimo khuye.

2 Samuweli 18:18

Abhisalamo na nga gu vbanya, a di emiside giwindri nya gialakanyiso, gi guromo kovani wa mufumeli, kholu uye a di gu ganela, khuye: “Eni nyi mwalo gyanana gasi guaalakanya lina langu; giwindri gegi a di gi thangisa lina laye; kala na muhuno ga gu ranwa pwani gialakanyiso gya Abhisalamo.”

Isaya 14:22

Kholu, Pfhumu Nungungulu nya Tshivba Yatshavbo, a ngu ganela, khuye: “Nyi na va wugela, nyi fuvisa lina la Bhabhiloni, nyi songa mitshaledwa yaye, livelego laye ni situgulwana.” A ngu ganela Pfhumu Nungungulu.

Jeremiya 22:30

Pfhumu Nungungulu a ngu ganela kharati, khuye: “Muthu yoyu mu loveni nga moyo a gu mwalo sanana, guvbanyani gwaye gima kha na mana gukatega.” Kholu kha na dugelela ni moyo nya gyanana gyaye, a na gu khalago vbagikhalotunu nya wufumu wa Dhavhidhe, gumogo gambe ni gu fumela tigoni ga Judha.