2 Samuweli 14:19 - Bhibhiliya Nya Guage

¹⁹ Mufumeli a di mu embela, khuye: “Ina kamwe khandri Jowabhi a gu kutsedzelago gu ganela satshavbo sesi, gani?” Nyamayi a di hakha, khuye: “Nyi ngu sambanya khu womi wago uwe mufumeli ni mune wangu, gukheni lisine iso u ngari gu ganelago; khidzo kamwe lisine, khu githumi gyago Jowabhi a nyi rwegidego sileletelo satshavbo sesi ni gu vega kanani ga githumi gyago magana yatshavbo yaya nyi gu embedego.

2 Samuweli 14:19 Iomraidhean Croise

2 Samuweli 11:11

Uriya a di mu hakha khuye, Ngasa nya Gidzumeledzwano, yomo tshatshani; va na Israyeli ni va na Judha, gumogo ni mune wangu Jowabhi, ni sithumi sa mune wangu vomo vbavbandze; eni nyi ngu yela gu bela nyumbani gwangu, nyi hodza ni gu sela, nyi lala ni mwangadzi wangu, gani? Nyi ngu sambanya avbo gwago khu hefemulo wago gukheni, gima kha nyi na nga gira nya nga isoso.

2 Samuweli 14:18

Khu guralo, mufumeli a di hakha nyamayi a mu embela, khuye: “Nyi ngu gu lomba u si nyi siheli iso nyi vbwetago gu gu wudzisa.” Nyamayana a mu hakha, khuye: “Ganela mufumeli ni mune wangu.”

2 Samuweli 14:3

U naya dzi wonegisa ga mufumeli, uya ganela magana nyi gu leletelago. Khu guralo, Jowabhi a di mu embela magana yakone.”

2 Samuweli 18:13

Nari pwani nyi di mu songide khu giviti esi na sa sa sihalega dzindzeveni ga mufumeli, ambari uwe nuwe na wa sa nyi vhikela.”

2 Samuweli 3:27

Avbo Abhineri a nga bwelelago aya Hebroni, Jowabhi a di mu rana khu phuvbo, gukhwatshi a gu vbweta gu ya bhula venga, a di mu paya vbagirumbutunu avbo vbale afa, a dzi phodzela kharati ga novba wa ndriyaye Asayeli.

2 Samuweli 3:29

Novba yoyu, wu na thegele hungoni ga Jowabhi ni valongo vaye! Gima gu nga tshuki gu hamugega muthu nyumbani ga Jowabhi nyamba dwala khu novba, nya sokono, gilima nya gugimbile khu dzindronga ambari gisiwana nya gulombe zomola.”

2 Samuweli 3:34

Mawogo yago, kha ma nga hungwa gilo, ambari mawundru yago, kha ma hungwa khu makhetshe nya sugu. Wa gu fisa gukhwatshi muthu a thegedego mandzani ga sanana nya sighohi. Vathu vatshavbo va di mu lila.

2 Dzipfhumu 2:2

Eliya a di embela Elizewu, khuye: “Uwe khala avba, kholu Pfhumu Nungungulu a nyi rumede gu hongola Bheteli.” Aholu Elizewu a di ganela, khuye: “Nyi ngu sambanya khu Pfhumu Nungungulu a vbanyago ni hefemulo wago kheni, gima kha nyi na nga gu diga. Khu guralo, va di hongola vatshavbo Bheteli.”

Ekisodha 4:15

Uwe u na ganela, u vega magana kanani gwaye. Eni nyi na bani nyiri kanani gwago ni gwaye, nyi na mi hevbudza iso mu fanelago gu gira.

Mavingu 25:2

Wudhumo wa Nungungulu khu gu siha silo nya gukari, aholu wudhumo wa vafumeli, khu gu zama gu tugula misiholo.

Mavingu 4:27

U nga ndreyi uya nyamudye mwendro nyambade, dusa ngondro wago guvivbani.

Mitengo 20:17

“Hi dige hi tsemakanya khu tigoni gwago; kha hi na vbindra khu mahangeni, mwendro umo nya vhinya ambari gu sela mati ya milamboni; hi na gimbila khu ndzila; kha hi na phawuga nyambade mwendro nyamudye, kala hi tsemakanya tigoni gwago.”

Luka 21:15

kholu eni mune nyi na mi ningani magana nya guti, ayo valala va na gumba dzi kodzago gu ma bomba.

Dhewuteronome 28:14

U nga ndreyi uya nyamudye mwendro nyambade ga magana yatshavbo nyi gu ningago muhuno, khu gu landrisela vambe vanungungulu u va khozela.

Dhewuteronome 5:32

Khu guralo, girani kha nga idzo Pfhumu Nungungulu wanu a mi rumidego; mu nga ndreyini muya nyamudye, mwendro nyambade.

Josuwa 1:7

U nga khali basi muthu nya tshivba ni gutimisela, gu vbwetega u dzi wonele u gira kha nga idzo wu rumago nayo watshavbo owu githumi gyangu Mosi gi gu leletedego; u nga tshuki u wu diga u ndreya, uya nyamudye mwendro nyambade, gasi sigiro sago si gu dugela gwadi ni evbini umo u na gimbilago khumo.

1 Samuweli 1:26

Ana a di mu embela, khuye: “Yingisa mune wangu, nyi ngu sambanya khu womi wago, eni kheni nyamayi wule nyi nga bani nyi lombelela ga Pfhumu Nungungulu vbafuvbi nago.

1 Samuweli 17:55

Avbo Sawule a nga wonago Dhavhidhe na duga gu yela Mufilisitiya, a di wudzisa Abhineri, muthangeli nya nyimbi, khuye: “Abhineri, gasi mwamana wule lidzaha la mani.” Abhineri a di mu hakha, khuye: “Nyi ngu sambanya khu lisine kha nga u vbanyago uwe pfhumu, gukheni, kha nyi muti.”

1 Samuweli 20:3

Khu guralo, Dhavhidhe a di gira gisambanyo a ganela, khuye: “Babe wago a ngu dziti gwadi gukhuye eni nyi manide wuwadi nya wukhongolo monyoni gwago, a di pimisa, khuye: Jonatane a nga siti esi gasi a si khuveki. Khu guralo, eni nyi ngu sambanya khu Pfhumu Nungungulu a vbanyago gukheni nyi womo ndzilani nya gufe.”

1 Samuweli 25:26

Gasi olu, uwe mune wangu, nyi ngu tiyisa khu gu sambanya mbeli ga Pfhumu Nungungulu a vbanyago, ni hefemulo wago, gukheni khu Pfhumu Nungungulu, a gu himbedzedego gu vbaladza novba ni gu dzi phodzela uwe khu mandza yago. Khu guralo valala vago ni vatshavbo va vbwetago gu gira guvivba ga mune wangu, va na godze Nabhali.