2 Samuweli 14:14 - Bhibhiliya Nya Guage

¹⁴ Kholu khu lisine hi nafa, hi na gira kha nga mati ma vbalagago mafuni, ma si roledwigo gambe. Kholu Nungungulu kha na mu songa, aholu a gu vbweta gukhuye, a si hambani naye.

2 Samuweli 14:14 Iomraidhean Croise

2 Samuweli 11:25

Mufumeli Dhavhidhe a di hakha mwango, khuye: “U naya embela Jowabhi khuwe u nga tshaniseki ngudzu khu isoso kholu litshari la gu songa oyu ni wule; tshingisa nyimbi u dwana ni lidhoropa lolo kala u va pala; indra mu tiyisedza kharato Jowabhi.”

2 Samuweli 14:15

Gasi olu, eni nya gu bani nyi dzude nyita ganela magana yaya ga mufumeli ni mune wangu, vathu va nga bani va nyi thusedzela. Gasi olu, githumi gyago nya nyamayi, gi di ganela, khigyo: Nyi naya ganela ni mufumeli wangu, mwendro saye mufumeli wangu a na gira esi githumi gyago gi na gu lombago.

1 Dzipfhumu 11:39

Khu magirelo yoyo, nyi na poyila livelego la Dhavhidhe, aholu khandri kala gupindruga.

Joba 14:14

Naripwani muthu a gufa, a ngu dzi kodza guwuga a vbanya gambe, nyi di hadza gu tiyisela sigaradzoni gwangu gwatshavbo kala nyi wona gutshudziswa gwangu.

Joba 30:23

Nyi ngu dziti gukheni U ngu nyi yisa lufutunu. Wulanga wu dongisedwego vathu vatshavbo va vbanyago.

Joba 34:15

vatshavbo va di hadza gumbemba, ni muthu a di hadza gu bwelela a khala kudzudzwane.

Joba 34:19

Nungungulu kha khedzi giyemo nya vathangeli, mwendro gu gola sitetema, a nyenya sisiwana, kholu vatshavbo sivangwa nya gugirwe khu mandza yaye.

Dzindzimo 22:14

Nyi vbaladzidwe vbavbatshi kha nga mati, marambo yangu yatshavbo ma gu kunugela; monyo wangu wa gu fanana ni sera yi nyiviligago ndrani gwangu.

Dzindzimo 22:15

Khanani gwangu gu bangide kha nga gindzengele nya libumba; lidimi langu li dandramede sihayani, uwe wa gu nyi rinya avbo nya kudzudzwane nya lufu.

Dzindzimo 58:7

Va na mwalalege kha nga mati nya guvbalage; va gu khwandra sighalala sawe, si na fanyegele.

Dzindzimo 77:8

Ina lihaladzo laye li vbede kamwe, gani? Ina gitumbiso gyaye gi vbelede muphelo, gani?

Dzindzimo 79:3

Novba wa vathu vago va wu vbaladzide kha nga mati malangani gwatshavbo ga Jerusalema, mwalo a nga tshalago gasi gu va dzinga.

Dzindzimo 90:10

Matshigu nya guvbanye gwathu ma gu dingana livbandre na mavili magumi (70), avo va gu ni tshivba va gu vbohisa livbandre na mararu magumi (80), aholu myaga yoyo yi tade khu sigaradzo ni gu tshaniseka, ya gu vbindra khu guvbiredza, ethu hi mwalalega.

Dzindzimo 90:3

Uwe u ngu bweledza muthu a khala nguma, u mu embela, khuwe: “Bwelelani mafuni enu sanana nya vathu.”

Ekisodha 21:13

Aholu a gu bani na sa gira kha gwenye, nari a di ningedwa mandzani gwaye khu Nungungulu, nyi na gu vegela wulanga a yelago gu thavela avbo.

Muhevbudzi 9:5

Avo va vbanyago va ngu dziti gukhavo va nafa, aholu vale va fudego kha va pimi gambe gilo, ambari gu mana tshatshazelo, kholu kha va dundrugi gambe.

Gililo 3:31

Kholu Pfhumu kha dzudzugi muthu kala gupindruga.

Ezekiyeli 18:23

Ina kamwe mwa gu alakanya gukhenu, nyi ngu tsaka khu gu wona muthu nya guvivbedwe khu monyo na gufa, gani? A ngu wudzisa Mune Pfhumu Nungungulu. Igyo eni nyi gi vbwetago khu gu a vbindrugedza mavbanyelo, a diga dzindzila dzaye nya guvivbe, gasi a vbanye.

Levhi 26:40

Aholu, va gu dzi laya khu guvivba gwawe, ni guvivba ga vababe vawe, khu sihoso va nyi giridego; va gu dzi dzi laya khu gu na va hambanide ni dzindzila dzangu,

Mitengo 35:15

Madhoropa yaya nya livbandre na limwedo, ma na khala wuthavelo wa va na Israyeli, wa valuveli, wa vaendri va vbahidego vbakari gwanu, ni vambe vathu va vbanyago vbakari gwanu, gasi va thavela umomo, va gu manega na va songide muthu khu guphazama.

Mitengo 35:25

Tshangano wu na vbulugisa musongi mandzani ga muphodzeli, khu gu mu yisa dhoropani nya wuthavelo umo a nga bani a thavede umo; aya khala umo kala afa muphasi nya khongolo nya mhamba a todzidwego khu mafura nya guage.

Mitengo 35:28

kholu musongi fanede gu khala dhoropani gwaye nya wuthavelo kala afa muphasi nya khongolo nya mhamba; hwane nya gu na fude muphasi yoyo nya mhamba, a ngu dzi kodza gu bwelela tigoni nya thomba yaye.

Matewu 22:16

Va di rumela vapizane vawe, gumogo ni va na Herodhi, gasi guya mu wudzisa, khavo: “Muhevbudzi, hi ngu dziti nya gukhethu u muthu nya lisine, ni gukhethu u ngu hevbudza ndzila ya Nungungulu kha nga idzo li lombago khidzo lisine; khu thavi muthu, kholu khu khedzi giemo nya muthu.

Mithumo 10:34

Khavbo avbo, Pedro a di khusa lito a ganela, khuye: “Nyi ngu wona khu lisine nya gukheni Nungungulu kha hatheli vathu,”

Varoma 2:11

Kholu Nungungulu kha hatheli vathu.

Dhewuteronome 10:17

Kholu, Pfhumu Nungungulu wanu, Nungungulu nya vanungungulu ni Pfhumu nya dzipfhumu, Nungungulu nya khongolo, nya tshivba, nya guthavisege, a si hatheligo vathu, gambe a si dzumeligo gu rengeledwa;

Vahebheru 9:27

Muthu ni muthu emede gufa gumogo basi, khu hwane nya ugo, a lamudwa khu Nungungulu.

1 Pedro 1:17

Mwa gu lombelela na mu rana, khenu: “Baba,” Uye a lamulago vathu vatshavbo nyamba khedza khu khovbe, a khedzago khu mavbanyelo ya muthu ni muthu; khu kharalo, mu fanede gu mu ninga githawo matshiguni nya guvbanye gwanu mafuni momu.