2 Samuweli 14:12 - Bhibhiliya Nya Guage

¹² Khavbo avbo, nyamayi a di hakha, khuye: “Dzumela gukhuwe githumi gyago nya nyamayi gi ganela lito limwedo basi ga mufumeli wangu.” Uye a di mu hakha, khuye: “Ganela.”

2 Samuweli 14:12 Iomraidhean Croise

Genesi 18:27

Aholu, Abrahama a di engedza gambe gu lomba, khuye: “Nyi na tiya gu ganela ni Pfhumu yangu, eni nyi gu si wa gilo, nyi gu kudzudzwane ni nguma basi.

Genesi 18:32

Abrahama a di ganela gambe, khuye: “Pfhumu yangu, u na nyi divalela, nyi na ganela gambe gumogo basi: Ahati wa guya mana likhumi vathu nya gululame?” Pfhumu a di hakha, khuye: “Kha nyi na mbembisa lidhoropa khu kotani nya avo nya likhumi.”

Genesi 44:18

Khavbo avbo, Judha a di hidzimela ga Josefa a ganela, khuye: “Wuhindzi wago, pfhumu yangu, dzumedzisa githumi gyago gi ganela likana limwedo basi ndzeveni ga pfhumu yangu, likhulo lago li nga khondreli githumi gyago! Kholu uwe u idzosaye ni Faro.

2 Samuweli 14:11

Nyamayi a di hakha, khuye: “Mufumeli, lomba khu lina la Pfhumu Nungungulu wago, gasi muphodzeli nya novba, a si nyi engedzeli libango, khu gu songa mwamana wangu.” Khu guralo, mufumeli a di hakha, khuye: “Nyi ngu sambanya khu Pfhumu Nungungulu a vbanyago, kheni, kha wu na thega vbavbatshi ambari ni ndzudzu moyo basi khu hungoni ga mwanago!”

2 Samuweli 14:13

Nyamayi a di mu embela, khuye: “Khu ginani u alakanya silo nya nga isoso nya guwugele vathu va Pfhumu Nungungulu? Kholu mufumeli a gu ganela kharato, a na dzi rwega nandru khu gumba landra muthu a nga mu tutumisago.

2 Samuweli 20:17

Avbo a vbohidego avbo gwaye, nyamayi a di mu wudzisa, khuye: “Khuwe Jowabhi, gani?” Uye a di hakha, khuye: “Kheni.” Nyamayi a mu embela, khuye: “Yingisa magana ya githumi gyago.” Uye, khuye: “Nyi ngu yingisa.”

1 Dzipfhumu 2:14

A di engedza, khuye: “Gyomo nyi vbwetago gu gu embela.” Bhate-Sebha a di hakha, khuye: “Ganela.”

Jeremiya 12:1

Uwe Pfhumu Nungungulu u lulamide, kha nyi dzi kodzi gu ganedzisana nago; ambari ulo, nyi na ni mahungu nyi vbwetago gu gu wudzisa, kheni: Khu ginani va nya guvivbedwa khu monyo va andrago mithumoni gwawe? Khu ginani vatshavbo va girago guvivba, gikhati gyatshavbo va vbanyago na va tangade?

Mithumo 26:1

Agiripa a di embela Pawulo, khuye: “U ngu dzi kodza gu sasamedzela wabune mahungu yago.” Pawulo, na khusedzide mandza a di ganela, khuye:

1 Samuweli 25:24

A di thega migondroni gwaye a ganela, khuye: “Oh! Mune wangu, nandru yoyu wu na thegele eni; dzumela gukhuwe githumi gyago gi ganela nago, upwa magana ya githumi gyago.