2 Samuweli 13:4 - Bhibhiliya Nya Guage

⁴ Uye a di mu embela, khuye: “Khu ginani matshigu yatshavbo u khalago na wu wondride nuri mwamana wa mufumeli? Wa gumba nyi embela khu ginani?” Khavbo avbo, Amoni a di mu hakha, khuye: “Nya gu dogorela Tamari ndruye wa ndriyangu Abhisalamo.”

2 Samuweli 13:4 Iomraidhean Croise

2 Samuweli 13:3

Aholu, Amoni a diri ni pari, lina laye nya gupwani Jonadhabhi, mwamana wa Simaya, ndruye wa Dhavhidhe; Jonadhabhi yoyu a di gengede ngudzu.

2 Samuweli 13:5

Jonadhabhi a di mu embela, khuye: “Lala vbadawutunu gwago u gira gukhwatshi wa gu dwala; gasi babe wago a guta gukhuye a guta gu wusela, mu embele gukhuwe: Nya gu gu lomba gukheni u rumele ndriyangu Tamari a te ata nyi phulela na nyi gu mu wona bwelo khavbo a nyi ninga nyi hakha khu mandzani gwaye.”

1 Dzipfhumu 21:5

Aholu, mwangadzi waye a dita gwaye a ta mu wudzisa, khuye: “Khu ginani u khalago nu vbisegide nyamba vbweta ni guhodza gilo?”

1 Dzipfhumu 21:7

Khavbo avbo, mwangadzi waye Jezabheli, a di mu embela, khuye: “Gasi olu khandruwe mufumeli wa Israyeli, gani? Wuga u hodza guhodza, u nengela monyoni gwago. Eni nyi na gu ninga lithembwe la Nabhoti wa Jezireyeli.”

Isaya 3:9

Dzikhovbe dzawe dzi ngu va thuledza; dzi bhusa phungu nya sighoho sawe kha nga Sodhoma, nyamba siha gilo. Libango ga mihefemulo yawe! Kholu va gu dzi vangela vabune libango.

Jeremiya 8:12

Va di yede gupwa dzitshoni khu mavbanyelo yawe nyambasi yadi; aholu ne ni vbadugwana kha va dzipwi dzitshoni; gambe kha va giti gilo muni gu khala dzitshoni. Khu guralo, va na thega gumogo ni vale va fudego; va na mbemba litshiguni nya gulamudwe; a ngu ganela Pfhumu Nungungulu.

Levhi 18:9

U nga fununguli wumbwiri wa ndriyago, a gu gyanana gya babe wago, mwendro gyanana gya mayi wago; oyu a velegidwego ndrangani, ambari wule a velegidwego vbavbandze, u nga fununguli wumbwiri waye.

Levhi 20:17

Mwama a gu dzega ndriyaye nya nyamayi, gyanana gya babe waye, mwendro gya mayi waye, a wona wumbwiri waye, nyamayi nuye a wona wumbwiri wa mwama, idzodzo dzitshoni nya dzikhongolo ngudzu, va na songwa na va gu wonwa khu vathu tigoni gwawe; kha nga olu uye a nga funungulago wumbwiri wa hane waye, a na rwala gulemela nya nandru waye.

Mikeya 7:3

Mandza yawe ma dzi emisede gasi gu gira guvivba; vathangeli va gu lomba siningwa, mulamuli a gu dzumela gu rengeledwa, va nya guthavisega va gu ganela khu manavelo ya monyoni gwawe, khu magirelo yaya, vatshavbo vadzuwungeli.

Luka 12:32

Jesu a di engedza, khuye: “Mu nga thavi, tshambi dugwana, kholu Babe wanu dzinide gu mi ninga mufumo waye.