2 Samuweli 13:28 - Bhibhiliya Nya Guage

²⁸ Abhisalamo a di leletela madzaha yaye, khuye: Khedzani gwadi, gikhati monyo wa Amoni wu na gu bani wu tsakide khu wadwa, eni nyi na mi embelani, kheni: Songani Amoni, enu mu songeni nyambana hwanga, kholu kheni nyi mi rumago! Tiyani mu khale vama nya dzindrena.

2 Samuweli 13:28 Iomraidhean Croise

Genesi 9:21

Nowa a di sela wadwa nya dziuvha a gu leva, aya lala wumbwiri tshatshani gwaye.

2 Samuweli 11:13

Dhavhidhe a di mu rana guta hodza ni gu sela naye ndrangani gwaye, a mu levisa; ni silambo, Uriya a di duga aya lala vbadawutunu gwaye, gumogo ni sithumi sa mune waye, a si hongoli gaya gwaye.

2 Samuweli 11:15

Umo nya lidangalila a di lova, khuye: “ Vega Uriya khu avbo nyimbi yi vbisago ngudzu, mu mu diga avbo gasi a kodza gu songwa.”

2 Samuweli 12:10

Khu guralo, litshari gima kha li na nga duga nyumbani gwago, kholu u nyi yeyiside, u dzega ngadza Uriya, nya Muhiti, a khala mwangadzi wago.

2 Samuweli 13:27

Gani olu, Abhisalamo a di mu gurumedza, kala a mu diga a hongola ni Amoni gumogo ni sanana satshavbo nya vama sa mufumeli.

2 Samuweli 14:6

Githumi gyago nya nyamayana gi diri ni sanana sivili nya sikhwathana, iso si di wusa litunga vbavbandze si dwana khu gyawe, a si manegi ni muthu nya gu si avbule; khavbo avbo, moyo a di bayisa mumbe a mu songa.

1 Dzipfhumu 20:16

Nyimbi yi di phela ni mihani, gikhati Bheni-Hadhadhi ni vafumeli vaye nya magumararu na vavili va nga bani na va gu sela mawadwa ni gu leva mitshatshani gwawe.

Dzindzimo 104:15

Mafu ma ngu ninga vbinyu yi tsakisago myonyoni nya vathu, mafura ma nyelugisago dzikhovbe, ni guhodza gu wusedzago tshivba.

Ekisodha 1:18

Khavbo avbo, mufumeli wa Egipito a di ranisa vasingalagadzi a va wudzisa, khuye: “Khu ginani mu girago kharati, mu diga sanana nya sikhwathana si vbanya?”

Muhevbudzi 10:19

Guhodza gu ngu tshamba, ni wadwa wa gu tsakisa monyo, gambe satshavbo sa gu manwa khu dzitsapawu.

Muhevbudzi 9:7

Olu indra uya dzi hodzela khu gutsaka u sela vbinyu yago monyo wago na wu salalegide; kholu, Pfhumu Nungungulu a ngu tsaka khu mithumo yago.

Dhaniyeli 5:30

Khu wutshigu wowo kamwe, a di songwa Bhalitazari, mufumeli wa Vakalidhiya.

Nahume 1:10

Kholu ambari na va tshunganede kha nga miba, va gu fanana ni vathu nya guleve khu wadwa, va na vbiswa nga mwasi nya gubange.

Luka 21:34

“Dzi woneleni, mu nga pfhali khu limidzo ni gu leva, gambe mu nga pfhadzwi khu sigaradzo nya guvbanye! Mu ngata manwa khu litshigu lolo na mu pfhade,

Mithumo 5:29

Aholu, Pedro ni vapostoli va di hakha, khavo: “Hi fanede gu yingela Nungungulu guvbindra gu yingela vathu.

Josuwa 1:9

Gasi kha nya gu ruma, gani? Gukheni tiya longo ni gutimisela; u si thavi ambari guthuruga kholu Pfhumu Nungungulu wago, a na bani ari nago gwatshavbo umo u na gimbilago khumo.”

Valamuli 19:22

Na vari vbakari nya gutsake, gu dita vama nya mighewu ya dhoropani mule, nya sanana sa Bheliyali, va ta randrela nyumba ya gikhosane gile, va veta lidimba, va embela gikhosane gile nya mune ndranga, khavo: “Nga dusa vbavbandze muthu yoyo a bedego nyumbani gwago, gasi hi ta hagana khuye.”

Valamuli 19:6

Khu wuvili wawe va di khala vbavbatshi va hodza ni gu sela; babe wa nyamahegyane a di ganela, khuye: “Nya gu gu lomba gukheni u lala gambe avba muhuno, gasi u nengedzisa monyo wago.”

Valamuli 19:9

Avbo mwama wule a nga vbweta gu khuga, uye, gibhayi gyaye ni githumi gyaye, sade waye, a gu babe wa mwangadzi waye, a di mu embela, khuye: U ngu wona nya gukhuwe olu lidambo li relede, li hwide li ngu pfola, gu ngu khala wutshigu, khala u lala u tsakisa monyo wago, mindru ni mambagugya u na wuga u hongola gaya gwago.

Rute 3:7

Hwane nya gu Bhowazi na hodzide, a sela a khura monyo waye na wu tangade, a mu wona na guya lala vbafuvbi ni avbo gu nga wungedzedwago dzimbewu, Rute a dita kha gwadi, a ta funungula mawundru ya Bhowazi a lala avbovbo.

1 Samuweli 18:22

Sawule a di leletela sithumi saye, khuye: “Indrani mu ya embela Dhavhidhe khu gisihaledza, khenu: Wona nya gukhuwe mufumeli a ngu gu gola, ni ethu vathumegeli vaye hi ngu gu gola. Khu guralo khala mwane waye.”

1 Samuweli 28:10

Khavbo avbo, Sawule a di sambanya khu lina la Pfhumu Nungungulu a ganela, khuye: “Nyi ngu sambanya khu lina la Pfhumu Nungungulu a vbanyago gukheni, gimwalo ni gimwegyo gitsayiso gi na gu gu dugelelago khu kotani nya isoso.”

1 Samuweli 28:13

Mufumeli a di mu hakha, khuye: “U nga thavi; ginani u gi wonago?” Khavbo Nyamayi a di hakha Sawule, khuye: “Nya gu wona mumbe nungungulu na gu khuga khu mafuni a gwela.”