2 Samuweli 13:22 - Bhibhiliya Nya Guage

²² Aholu Abhisalamo kha nga ganela ni Amoni, nya sadi, ambari nya guvivbe; kholu Abhisalamo a di gu vengana ni Amoni, kholu a nga pfinya ndriyaye Tamari.

2 Samuweli 13:22 Iomraidhean Croise

Genesi 24:50

Khavbo avbo, Laboni ni Bhetuweli va di hakha, khavo: “Satshavbo sesi sa guta khiyo ga Pfhumu Nungungulu, ethu hi mwalo gilo nya gu gu embele nya gyadi mwendro nya guvivbe.

Genesi 31:24

Aholu ni wutshigu Nungungulu a di endrela Laboni khu ndroroni a mu embela, khuye: “Dzi wonele, u nga wudzisi gilo Jakobe, ne khu gwadi ne khu guvivba.”

Genesi 31:29

Eni nyi na ni tshivba nya gu mi gireleni guvivba khu mandza yangu; aholu Nungungulu wa babe wago a ganede gwangu wutshigu wowu, khuye: “U nga wudzisi ga Jakobe, gani khu gwadi, gani khu guvivba.

2 Samuweli 13:21

Avbo mufumeli Dhavhidhe a nga pwago silo satshavbo sesi, a di vila khu likhulo.

Mavingu 10:18

Uye a sihago livengo a na ni likana nya wudambane, ni wule a lembago vakwawe, gipumbu.

Mavingu 25:9

Lamulana ni muakelane wago, aholu u nga tugudzisi misihalo ya vakwanu;

Mavingu 26:24

Muthu nya mukanganyisi a gu siha gigaha gi tadego monyoni gwaye, monyoni gwaye a gu alakanyela wudambane.

Mavingu 26:26

Ambari a gu zama gu siha manyala yaye, mithumo yaye nya guvivbe, yi na tugudwa khu vathu vatshavbo.

Muhevbudzi 7:9

U nga vbiredzeli gu goroga, kholu, likhulo lomo myonyoni nya sipumbu.

Matewu 18:15

“Wa gu wona gukhuwe ndriyago a gu ghohede, indra u ya mu kawuka na muri enu mwa vavili basi. A gu gu yingisa, u na bani u vbanyiside ndriyago.

Vaefeso 4:26

Mwa gu mana gigaradzo monyoni, dzi woneleni, mu nga digi gugaradzega gwanu gu khala gighoho. Likhulo lanu li nga hweli kala mu gu pfoledwa khu lidambo mu ngari nalo.

Vaefeso 4:31

Fuvisani vbakari gwanu dzitshikwi, likhulo, gigaha, ligwaha ni milembo, gumogo ni guvivba gwatshavbo.

1 Johane 2:11

Oyu a vengago ndriyaye a gu vbanya gidemani, a gu gimbila gusivbalani, nyamba guti umo ayago umo, kholu gidema gi segide maho yaye.

1 Johane 2:9

Oyu a gukhuye a ngu vbanya guwonegelani, aholu a nyenya ndriyaye, a ngari mugidemani.

1 Johane 3:10

Ogu khugo guhambana nya lisine nya sanana sa Nungungulu ni sanana sa Sathane. Oyu a si girigo esi nya gululame, ni gumba haladza ndriyaye, khandri gyanana gya Nungungulu.

1 Johane 3:12

Hi nga giri kha nga Kayimi a nga bani a gu lumba Sathane a songa ndriyaye. A di mu songa khu kotani nya ginani? Kholu mithumo a nga bani a gira Kayimi yi di vivbide, gasi eyi ya ndriyaye yi diri yadi.

1 Johane 3:15

Oyu a vengago ndriyaye musongi. Enu mu ngu dzitini gukhenu musongi mwalo guvbanya nya gupindruge.