2 Samuweli 12:5 - Bhibhiliya Nya Guage

⁵ Khavbo avbo, Dhavhidhe a di goroga ngudzu khu muthu yoyo, a embela Natani, khuye: “Nyi ngu sambanya khu Pfhumu Nungungulu a vbanyago, gukheni muthu yoyo a giridego isoso fanede gufa!

2 Samuweli 12:5 Iomraidhean Croise

Genesi 38:24

Gipimo nya migima miraru, va di ta embela Judha, khavo: “Ngadzamwane wago Tamari bhayide, olu khuride mimba.” Judha a di hakha, khuye: “Mu duseni vbavbandze aya vbiswa na nga gu vbanya!”

2 Samuweli 12:4

Khavbo avbo, gu di vboha pfhumba ndrangani ga oyu nya gitetema; si di mu lemela gu dzega gifuyo gyaye nya gidugwane mwendro nya gikhongolo a songela pfhumba a mu endredego. Khu guralo, a di ya dzega ginvutana gya gisiwana a songa igyo a ningela pfhumba a mu endredego.”

2 Samuweli 14:8

Mufumeli a di khuye: “Indra gaya gwago, nyi na tshala nyi wona mahungu yago.”

Luka 9:55

Aholu Jesu a di va kawuka, khuye: Liphuvbo mu gu nalo kha mu liti.

Varoma 2:1

Khu kharato, uwe muthuwe u dzi girago mulamuli, gani u givbango muni, khu na nga ditshedzwa. Gikhati u lamulago vakwanu, wa gu dzi rwega nandru wabune, kholu iso u va lamulago khiso, u ngu si gira nuwe.

1 Samuweli 14:39

Kholu nyi ngu sambanya khu Pfhumu Nungungulu, a gu mutshuli wa Israyeli, gukheni ambari nari gyanana gyangu Jonatane a nafa!” Khu guralo, mwalo ni moyo nya gidzemo a nga mu ninga phindrulo.

1 Samuweli 20:31

Na nga gu vbanya mwamana wa Jese, uwe ambari ni mufumo wago kha si na tiya. Olu rumela vaya mu rana va mu resa avba gwago, kholu uye fanede gu songwa!”

1 Samuweli 26:16

Khwa gira iso nya sadi; nyi ngu sambanya khu Pfhumu Nungungulu a vbanyago gukheni mu ngu yela gu songwa, kholu kha mwa wonelela mune wanu, muthu a todzidwego wa Pfhumu Nungungulu; olu wona lomo hayini litshari la mufumeli ni ngoto nya mati, si nga bani na si romo mihungoni gwaye?”