2 Samuweli 12:31 - Bhibhiliya Nya Guage

³¹ A di dzega vathu va nga bani vari umomo, a va vega thumoni nya gusahe mapulango, ni mithumo ya mapiki, ni sibhewula, ni umo nya gugire sitini; a di gira kharato ga yatshavbo madhoropa ya na Amoni. Khu hwane, Dhavhidhe a di wuya Jerusalema gumogo ni vathu vaye vatshavbo.

2 Samuweli 12:31 Iomraidhean Croise

2 Samuweli 8:2

Pade gambe va na Mowabhi, a va ladzisa vbavbatshi, a va pima khu ngodzi, avo va nga bani va enedza dzingodzi dzimbili, a di va songa, avo va nga bani va enedza ngodzi mweyo basi, a di va diga va vbanya. Khu guralo, va na Mowabhi, va di khala sithumi ga Dhavhidhe, va henga khupo gwaye.

1 Dzikoronika 20:2

Dhavhidhe a di tshula gihugu gya hungoni ga mufumeli wawe, a gi khedza a gi wona na gi gu lemela pimo nya taleta mweyo nya ndralama, na gi namegedzedwe siwindri nya gukhedzige. Va di gi ambagisa hungoni ga Dhavhidhe; bwelo khavbo va phanga sombo nya singi dhoropani mule.

1 Dzikoronika 20:3

A di dzega gambe vathu va nga bani vari umomo a va thumisa khu dzisaroti, mapiki, simbi ni sibhewula; a gira kharato ga yatshavbo madhoropa ya va na Amoni. Dhavhidhe, a di bwelela Jerusalema ni vathu vatshavbo.

Jeremiya 43:9

Dzega siwindri nya sikhongolo, u si siha vbavbatshi nya siwindri nya libumba si guromo vbafuvbi ni nyangwa nya nyumba ya Faro, na wu gu wonwa khu va na Judha.

Amosi 1:13

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa va na Amoni, kha nyi na bweledza tsayiso, kholu va pferulede dzimimba dza vanyamayi va Gileyadhi, gasi guanamisa litigo lawe.

Amosi 1:14

Khu guralo, nyi na rotha khu nilo mabhiyo ya Rabha, wu vbisa dzinyumba dzawe nya wufumu, gu wombwa dzihuwa khu litshigu nya nyimbi, gu fanana ni gipupwane litshigu nya gingulu.

Amosi 1:3

Pfhumu Nungungulu a ngu ganela kharati, khuye: “Khu kotani nya sighoho siraru sa Dhamasiko mwendro sina, kha nyi na bweledza tsayiso, kholu va khothede Gileyadhi, va mu gonya khu migonyo nya dzisimbi.

Vahebheru 11:37

Va di pfarwa khu siwindri, vambe va pidwa khu vbakari, vambe va songwa khu matshari. Va di legalega na va ambade malowo nya dzinvuta ni dziphongo. Va diri sisiwana, va saniswa ni gu poyidwa.

Josuwa 10:15

Josuwa a di bwelela, gumogo ni va na Israyeli vatshavbo lizumboni gwaye Giligali.