2 Samuweli 12:25 - Bhibhiliya Nya Guage

²⁵ Dhavhidhe a mu ningela mandzani ga muprofeti Natane, uye a mu riya lina la Jedhidhiya, gu tshamusago gupwani gigodwa gya Pfhumu Nungungulu.

2 Samuweli 12:25 Iomraidhean Croise

2 Samuweli 12:24

Dhavhidhe a di tangadzisa mwangadzi waye Bheti-Sebha, a diya gwaye aya lala naye, a velega gyanana, va nga gi riyago lina la Solomoni; Pfhumu Nungungulu a di mu gola ngudzu.

2 Samuweli 12:26

Khavbo avbo, Jowabhi, a diya dhumela Rabha wa Amoni, a wandra lidhoropa nya mufumo.

2 Samuweli 7:4

Aholu, khu wutshigu wowo, lito la Pfhumu Nungungulu li dita ga muprofeti Natani, li ta, khilo:

1 Dzipfhumu 1:11

Khavbo avbo, Natani a di embela Bhate-Sebha, mayi wa Solomoni, khuye: “Khwa dzipwa gilo nya gupwani Adhoniya, mwamana wa Hagiti, a ngu fuma, mufumeli wathu Dhavhidhe, na si dziti, gani?

1 Dzipfhumu 1:23

Va di tivisa mufumeli, va mu embela gukhavo: “Muprofeti Natani womo avba.” A di bela, aya ema mbeli ga mufumeli, a noga a yeyedza githawo a tsitsa vbavbatshi khu khovbe.

1 Dzipfhumu 1:8

Aholu muphasi nya mhamba Sadhoki, ni Bhenaya mwamana wa Joyadha, ni muprofeti Natani, ni Simeyi, ni mufumeli, ni dzindrena dzi nga bani dziri ni Dhavhidhe, va diri mwalo gumogo ni Adhoniya.

1 Dzipfhumu 4:5

Azariya, mwamana wa Natani, muthangeli wa vamwamangulu nya dzipayela; Zabhudi mwamana wa Natani; muphasi nya mhamba ni singalagadzi wa mufumeli;

1 Dzikoronika 22:9

Wona, mwamana u na velegago, a na bani ari mwama nya gurule, kholu nyi na mu ninga guhefemula khu ga vatshavbo valala vaye va mu randredego; khu guralo, lina laye a na bani ari uye Solomoni; gurula ni gukhadzisega nyi na si ninga ga na Israyeli matshiguni gwaye.

1 Dzikoronika 3:5

Sanana a nga velegedwa dhoropani ga Jerusalema khesi: Simaya, Sobhabhi, Natani ni Solomoni; esi sa sina velegedwe khu Bhate-Sebha, nyamahegyane wa Amiyeli;

Nehemiya 13:26

Khandriso esi si nga ghohisa Solomoni mufumeli wa na Israyeli, gani? Vbakari nya mayigo yatshavbo yi mwalo pfhumu yi nga bani yi fanana naye. A di godwa ngudzu khu Nungungulu waye, a mu wumbela gu khala mufumeli wa Israyeli watshavbo. Khu guralo uye a di ghohiswa khu vanyamayi nya mambe mafumbo.

Matewu 17:5

Na nga guganela, li dita lipfhi nya gungangamele lita va fenengedza khu mwedzi waye; khu vbakari nya lipfhi gu di pwala lito, na li gu, khilo: “Oyu khu Mwamana wangu nya gu mu haladze ngudzu, a tsakisago monyo wangu; mu yingiseni.”

Matewu 3:17

Khavbo lito nya gute khu Ndzadzini li di, khilo: “Oyu khu Mwamana wangu nya guhaladzege ngudzu, a nengedzisago monyo wangu.”

Dhewuteronome 33:12

Na gu thula Bhejami a di ganela, khuye: Gigodwa gya Pfhumu Nungungulu, gi na khala gurulani gumogo naye; Pfhumu Nungungulu a na mu hetedza kala gupindruga, uye a na hefemula magatani gwago.