2 Samuweli 12:20 - Bhibhiliya Nya Guage

²⁰ Khavbo avbo, Dhavhidhe a di wuga khu vbavbatshi, a hamba, a tola mafura, a ambala dzimbe dzingandzu, a bela Nyumbani ga Pfhumu Nungungulu, aya khozela. A di wuya nyumbani gwaye ata lomba gukhuye va mu ninga guhodza a hodza.

2 Samuweli 12:20 Iomraidhean Croise

2 Samuweli 12:19

Khavbo avbo, Dhavhidhe a di tugula gukhuye gyanana gi fude, kholu sithumi saye si di gu lembedzana khu gyawe, a di wudzisa ga sithumi saye, khuye: “Gyanana gi difa, gani?” Avo va di hakha, khavo: “Ina gi fude.”

2 Samuweli 12:21

Sithumi saye si di khiso: “Gasi ginani esi u girago? Avbo gyanana gi nga bani gi gu vbanya, u di hala u si hodzi gilo u lila, gasi olu gi fudego wa gu hodza!”

2 Samuweli 14:2

a di rumela va mu resela khu Tekowa, nyamayi moyo nya gugengele ni guti ata mu embela, khuye: “Gira gukhwatshi wa gu vbisega ngudzu, u ambala dzitshalu nya gililo, u nga toli mafura, dzi gire kha nga khwatshi u malile khu gale khu kotani nya gufedwe.

2 Samuweli 19:24

Mefibhoseti, mwamana wa Sawule a di relela gu khinga mufumeli, kha nga hamba migondro, gu vila giledzu gyaye ni gu handza dzingandzu dzaye; gukhugela litshigu mufumeli a nga dugago, kala litshigu a widego khu gurula.

2 Samuweli 6:17

Va di bedza Ngasa ya Pfhumu Nungungulu, va ya yi vega wulanga waye tshatshani wu nga bani wu dongisedwe khu Dhavhidhe; khavbo avbo, Dhavhidhe, a di ningela miphaselo nya guvbiswe ni miningelo nya gurule mbeli ga Pfhumu Nungungulu.

2 Samuweli 7:18

Khavbo avbo, mufumeli Dhavhidhe a di bela aya khala Nyumbani ga Pfhumu Nungungulu, khuye: “Na nyiri mani eni Pfhumu Nungungulu, ni nyumba yangu yi ngava ya ginani nya gukala u nyi resa avba?

Joba 1:20

Khavbo avbo, Joba a di khuga a ema, a pferula dzingandzu dzaye, a vbalula ndzudzu hungoni, a thega vbavbatshi khu khovbe, a lombelela,

Joba 2:10

Joba a di mu hakha, khuye: “Wa gu ganela kha nga nyamayi nya gipumbu. Ina hi yede gu hakha basi iso nya sadi khiyo ga Nungungulu, nyamba hakha iso nya guvivbe, gani?” Khu satshavbo soso, Joba gima kha dzi nyenyezisa khu gu ganela khu likana laye.

Dzindzimo 103:1

Uwe hefemulo wangu dhumisa Pfhumu Nungungulu, ni satshavbo si guromo ndrani gwangu, si na bonge lina laye li agidego.

Dzindzimo 103:8

Pfhumu Nungungulu a na ni wuhigo ni wuwadi a ngu timisela na tade khu lihaladzo.

Dzindzimo 39:9

Eni nya gu degula kha nyi tuli likana, kholu khuwe u giridego isoso.

Dzindzimo 95:6

Deluni hi ta khidzima hi lombelela Pfhumu Nungungulu. Kholu khuye muvangi wathu.

Mavingu 3:7

U nga dzi giri gigengeli mbeli Gwaye, thava Pfhumu Nungungulu, u hambana ni silo nya guvivbe.

Muhevbudzi 9:8

Gikhati gyatshavbo ambala dzingandzu nya guage, u tola mafura nya gunungele hungoni gwago.

Matewu 6:17

Gasi uwe, wa gu hala, hamba khovbe, u phorola mafura hungoni,

Luka 7:46

Uwe khwa nyi phorodza mafura hungoni; gasi uye a nyi todzide migondro khu mafura nya gunungele.

Rute 3:3

Khu guralo, hamba u tola mafura, u ambala guambala gwago nya gwadi, u relela githalatunu; aholu u nga dzi tugudzisi gwaye, na si gu vbedzi gu hodza ni gu sela.

1 Samuweli 15:25

Gasi olu, nyi ngu gu lomba u nyi tsetselela gighoho gyangu hi bwelele hatshavbo, gasi hi ya khozela Pfhumu Nungungulu.”

1 Samuweli 15:31

Khu guralo, Samuweli a di hongola ni Sawule, Sawule a di ya khozela Pfhumu Nungungulu.