2 Samuweli 12:13 - Bhibhiliya Nya Guage

¹³ Khavbo avbo, Dhavhidhe a di embela Natane, khuye: “Nyi ghohede Pfhumu Nungungulu.” Natane a di embela Dhavhidhe, khuye: “Pfhumu Nungungulu futide gighoho gyago, khu na ngafa.”

2 Samuweli 12:13 Iomraidhean Croise

Genesi 39:9

“Mwalo mumbe nya guvbindre eni ndrangani momu, gambe uye kha nyi himbedzeli gimbe gilo vbavbandze ga uwe basi, kholu uwe u mwangadzi waye. Nyi ngu dzi kodza kharini eni gu gira gihoso nya gikhongolo nya kharato, nyi ghohela Nungungulu, na?”

2 Samuweli 24:10

Hwane nya gu bani na sayede vathu, Dhavhidhe a di vetwa khu livhalo a vbisega monyoni gwaye; Dhavhidhe a ganela ga Pfhumu Nungungulu, khuye: “Nyi ghohide ngudzu khesi nyi giridego, gasi olu uwe Pfhumu Nungungulu, nyi ngu gu lomba gukheni u duse guvivba ga githumi gyago, kholu nyi thumide silo nya wupumbu ngudzu.”

2 Samuweli 24:17

Avbo Dhavhidhe a nga wona Ngilozi nya gumbembise vathu, a di ganela ga Pfhumu Nungungulu, khuye: “Wona, kheni nyi ghohidego, kheni nyi giridego guvivba gwatshavbo gogu; gasi dzinvuta dzedzi, ginani dzi ghohidego? Gyandza gyago, gi na vete eni gumogo ni ndranga ya babe wangu.”

1 Dzipfhumu 13:4

Avbo mufumeli Jerobhowamo, a nga yingisago magana ya muthu wa Nungungulu a nga bani na gu ma huwelela khu giluvelo gya Bheteli, a di thawuludza mandza vbagiluvelotunu a rumela, khuye: “Mu moleni!” Aholu libogo a nga li thawuludzago, li di khwanyela li banga nyamba petega gambe.

1 Dzipfhumu 21:20

Akabi a di hakha Eliya, khuye: “Ina, olu u nyi mane, uwe nala wangu, gani?” Eliya a di hakha, khuye: “Ina nyi gu mane gambe, kholu u dzi rengiside khu gu gira esi si vivbidego mahoni ga Pfhumu Nungungulu.

1 Dzipfhumu 22:8

Khavbo avbo, Akabi, mufumeli wa Israyeli, a di embela Josafati, khuye: “Womo mumbe mwama nya gupwani khu Mikeya, mwamana wa Inila, khavbo gwaye gu ngu kodzega gu wudzisa Pfhumu Nungungulu. Aholu eni nyi ngu mu nyenya, kholu uye gima a si nyi profeteli silo nya sadi, aholu a gu nyi embela iso nya guvivbe gikhati gyatshavbo.” Josafati, a di mu embela, khuye: “U nga ganeli kharato.”

2 Dzipfhumu 1:9

Khavbo avbo, mufumeli a di vbiredza gu mu rumela muthangeli waye nya gikwata nya livbandre magumi, gumogo ni masotshwa yaye nya livbandre magumi. Aya ga Eliya a nga bani na khade tshokatunu nya gigomo, a mu embela, khuye: “Muthu wa Nungungulu, mufumeli a leletede gukhuye u tshiga khu guvbiredza!”

1 Dzikoronika 21:8

Khavbo avbo, Dhavhidhe a di embela Nungungulu, khuye: “Nyi ghohide ngudzu khu gu gira silo nya nga esi; khu guralo, nyi ngu gu lomba U tsetselela guvivba ga githumi gyago, kholu nyi thumide silo nya wupumbu ngudzu.”

2 Dzikoronika 16:10

Khavbo avbo, Asa a di tala khu likhulo a wugela muwoni nya siwoniso, a mu dzega a mu tela pasoni; kholu uye a di goroswa ngudzu khuye; khu gikhati gyogyo gya gimwegyo, Asa a di tshanisa gambe ni vambe vathu.”

2 Dzikoronika 25:16

Na nga gu ganela muprofeti, mufumeli a di khuye: “Gasi va gu vegide gu khala moyo nya vasingalagadzi va mufumeli, gani? Degula! Wa gu vbweta gu songedwa ginani avba?” Khavbo avbo, muprofeti a di degula, aholu a di mu embela, khuye: “Nyi ngu dziti gukheni Nungungulu a dzi emisede gu gu mbembisa, kholu u giridego esi, u bwelo khavbo u si yingisi gulaya gwangu.”

Joba 33:27

Khu hwane a na wona vathu a ganela, khuye: Nyi ghohide khu gumba landrisa nayo, aholu uye kha nyi tsayisa gulandra khu sighoho sangu.

Dzindzimo 103:12

Kha nga idzo Khugadambo gu gu hwindzo ni Muhwadambo, kharato nugo a ngu ndreyisa vbakari gwathu sighoho sathu.

Dzindzimo 51:16

Kholu uwe khu tsakiswi khu miphaso nya dzimhamba; ambari nya gu gu ninga miphaso nya guvbiswe; uwe khu tsakiswi khiyo.

Dzindzimo 51:4

Nyi ghohede uwe, nyi ghohede uwe basi, nyi giride esi si nyenyezidego mahoni gwago, lisine lago u ganelago, gu lulamide gulamula gwago tshivba yago ya gu wonega khu gu lamula.

Dzindzimo 51:6

Uwe u ngu gola muthu nya lisine monyoni gwaye, u ngu nyi hevbudza guti sihaloni nya hefemulo wangu.

Ekisodha 9:27

Khavbo avbo, Faro a di ruma gu ya rana Mosi ni Aroni, a ta va embela, khuye: “Olu nyi ghohide; Pfhumu Nungungulu lulamide; aholu eni ni vathu vangu hi sighohi.

Mavingu 25:12

Mulayi a layago khu wugengeli, ga muthu a yingisago, a gu fanana ni phera nya ndralama, mwendro wulungu nya ndralama yi hutidwego.

Mavingu 28:13

Uye a sihago sighoho saye gima kha na katega, aholu uye a si dawulelago a si ghohi gambe, a na giredwa wuhindzi.

Isaya 38:17

Gusaniseka gogu nyi gu manidego gu nyi resede gurula, khu lihaladzo lago u duside hefemulo wangu, wu si thegi phalani nya guhine, kholu sighoho sangu satshavbo u si dzudzugide hwane gwago.

Isaya 43:24

Kha wa nyi rengela misimbo nya gunungele khu dzitsapawu, ambari gu nyi tsakisa khu mafura nya sifuyo nya miphaso, aholu u di nyi tshanisa khu sighoho sago, u nyi garadza khu guvivba gwago,

Isaya 44:22

Nyi fuviside guvivba gwago, gu fanana ni hunguva, ni sighoho sago nyi si mwalalegiside kha nga lipfhi; wuya gwangu, kholu kheni mudzegisi wago.

Gililo 3:32

Hwane nya gu bani a mu tshaniside, a ngu mu pwela gisiro, kholu lihaladzo laye likhongolo ngudzu.

Levhi 20:10

Mwama a gu bhaya ni mwangadzi wa mwama kwawe, mwama ni nyamayi vale va nga bhayana, khu wuvili wawe va na songwe.

Levhi 24:17

Muthu a gu songa mumbe muthu, a na songwa nuye.

Zakariya 3:4

Ngilozi yi di embela avo va nga bani va emide mbeli gwaye, khiyo: “Mu tshuleni dzingandzu dzaye nya gunyenyeze.” Khu hwane a embela Josuwa, khuye: “Wona, nyi gu duside sighoho sago, nyi gu ambagisa dzingandzu nya wuzundzo.”

Matewu 14:10

A di ruma, gu pidwa hungo wa Johane mubhapatisi a nga bani a romo pasoni.

Luka 15:21

Mwamana wule a di khuye: ‘Baba, nyi ghohide mahoni gwa Nungungulu ni mahoni gwago, nyi mwalo gambe fanelo nya guranwe gyanana gyago.’

Luka 18:13

Gasi muhengisi nya khupho, a di ema khu hwindzo, nyamba tiyela ni gu khusedza thamo, a di dzipwa nandru, a veta khana na gu khuye: ‘Nungungulu, nyi tsetselele, kholu nyi gighohi.’

Mithumo 2:37

Na va pwide magana yaya va di garadzega myonyoni gwawe, va wudzisa Pedro ni vambe vapostoli, khavo: “Vandruye, ginani hi fanelago gu gira?”

Vahebheru 9:26

Nari pwani a di gira kharato, a di vbweta gusaniseka dzinyondro nya dzingi, gukhugela guvangwa nya litigo. Olu gikhati gi yago guhegisani, uye a dzi wonegiside gumogo basi guvbela, afela gu fuvisa gighoho khu mhamba nya gufe gwaye.

1 Johane 1:7

Aholu, ha gu vbanya guwonegelani, kha nga olu Uye a guromo muguwonegelani, gu yeyedza gupwani hi ngu hengela gumogo ethu hatshavbo, gambe Novba wa Kristo, Mwamana waye, wu ngu handza sighoho sathu satshavbo.

Gutuledwa 1:5

Ni ga Jesu Kristo fakazi nya guthembege, matiwula nya vafi vatshavbo a gu Pfhumu nya vafumeli va mafuni. Uye a hi haladzago a nga hi tshulago sighohoni gwathu khu novba waye;

1 Samuweli 15:20

Khavbo avbo, Sawule a di hakha Samuweli, khuye: Eni nyi yingiside lito la Pfhumu Nungungulu, nyi gimbide khu ndzila uye a nyi nonedzidego; nyi reside Agagi, mufumeli wa Vaamaleki, Vaamaleki nyi va mbembiside muphelo;

1 Samuweli 15:30

Sawule a di hakha, khuye: “Nyi ghohide; nyi ngu lomba u nyi zundza, vbakari nya vasingalagadzi nya vathu vangu ni mbeli ga va na Israyeli; bwelela gumogo ni eni, gasi hi ya khozela Pfhumu Nungungulu wago.”