2 Samuweli 12:11 - Bhibhiliya Nya Guage

¹¹ Khu guralo, Pfhumu Nungungulu a ngu ganela kharati, khuye: “Nyi na wusa libango nya likhongolo nyumbani gwago. Nyi na gu dzegela vagadzi vago nu gu va wona, nyi va ningela ga vambe vama va lala navo vbakari nya mihani.

2 Samuweli 12:11 Iomraidhean Croise

2 Samuweli 15:10

Abhisalamo a di rumela myango yi ya lembedza mahundzu yatshavbo ya na Israyeli, a va embela, khuye: “Mwa gupwani gudzuma nya pundru, mu na ganelani, khenu: Abhisalamo fumide Hebroni!”

2 Samuweli 15:14

Dhavhidhe a di embela vathu vaye vatshavbo a nga bani nari navo Jerusalema, khuye: “Hongoleni hi thava khu guvbiredza, kholu mwalo a na gu vbulugago ga Abhisalamo! Hongoleni hi thave, gasi a si hi mani khu githugedza, hi thegedwa khu libango, gu sasedwa lidhoropa khu matshari.”

2 Samuweli 15:6

Abhisalamo a di gira kharati ga vatshavbo va na Israyeli va nga bani va guta vata vbweta mufumeli gasi gu lamudwa khuye, khu kharati Abhisalamo a di ndrindra myonyo nya vathu nya vangi va na Israyeli.

2 Samuweli 16:11

Dhavhidhe a di engedza a embela Abhisayi, ni vathu vaye, khuye: “Ambari gyanana gya mahembeni gwangu gi vbwetago gu nyi songa, a na tandrega kharini mubhejami yoyu? Mu digeni a nyi hembulula kha nga a rumidwego khu Pfhumu Nungungulu.

Joba 31:10

mwangadzi wangu a na khale wa mumbe mwama, ni gu a lala ni vambe vama.

Ezekiyeli 14:9

Aholu muprofeti a gu kanganyiswa, a profeta gilo nya gukari, eni kheni Pfhumu Nungungulu nyi nga phazamisago muprofeti yoyo, nyi na thawuludza gyandza gyangu nyi mu fuvisa, vbakari ga vathu vangu va na Israyeli.

Dhewuteronome 17:17

A na dzi wonele, a nga tshuki a dzega vanyamayi nya gutale, gasi monyo waye wu si ndreyi; gambe a nga hengeledzeli ndralama mwendro parata nya yingi.

Dhewuteronome 28:30

U na lowola nyamayi, aholu a ta lala ni mumbe mwama; u na vbaha nyumba, aholu gima khu na lala umo; u na lima lithembwe, aholu u si hodzi mihandro yakone.