2 Samuweli 11:2 - Bhibhiliya Nya Guage

² Khu limbe litshigu ni silambo, Dhavhidhe a di wuga khu vbadawutunu gwaye, a gimbilagimbila vbatshani nya langwe nya nyumba yaye nya wufumu; khavbo avbo, nari khu vbalangwetunu, a di wona nyamayi na gu hamba; nyamayi yoyu a di mburide ngudzu.

2 Samuweli 11:2 Iomraidhean Croise

Genesi 12:11

Vari vbafuvbi ni gu bela tigoni ga Egipito, Abrama a di embela mwangadzi waye Sarayi, khuye: “Upwa, nyi ngu dziti nya gukheni u nyamayi nya gumbure ngudzu.

Genesi 3:6

Khavbo avbo, nyamayi, khu gu wona gukhuye handro nya simbo khwadi gu wu hodza, gambe wu ngu tsakisa mahoni; simbo nya wadi nya gutule mapimo ni guti, a di hava handro wule a gu hodza a gu ninga mwama waye a hodza nuye.

Genesi 34:2

Avbo Sikemi, mwamana wa Hamori, Muhevhi a nga bani ari mwamangulu nya litigo lile, a nga wonago Dhina, a di mu pfinya a gu lala naye khu tshivba.

Genesi 39:6

Khavbo avbo, a di vega mandzani ga Josefa satshavbo a nga bani ari naso, a di si dzi garadzi gambe khu gimbe gilo, vbavbandze basi nya guhodze. Josefa a diri wa gumbura ni giemo nya gukhadzisege.

Genesi 6:2

Sivangwa sa ndzadzini si di wona gukhiso vanyamahegyane va mburide ngudzu. Gimwegyo ni gimwegyo gi di dzi hathela nyamahegyane gi nga mu gola gu khala mwangadzi waye.

2 Samuweli 13:1

Abhisalamo, mwamana wa Dhavhidhe, a diri ni ndruye nya gumbure ngudzu, lina laye a nga bani nari uye Tamari. Amoni, mwamana wa Dhavhidhe, a di vbela mapimo khuye.

2 Samuweli 14:27

Abhisalamo a di velegide sanana siraru nya sikhwathana ni gyagadzyana gimwegyo gi nga bani gi ranwa khu lina la Tamari, a diri nyamayi nya mburi ngudzu.

2 Samuweli 4:5

Rekabhi ni Bhahana, sanana sa Rimoni nya Mubheyeroti va di ya bela nyumbani ga Isobhoseti ni vbakari nya mihani, avbo lihani li nga bani li vbisa ngudzu, va ya mu mana na lade.

2 Samuweli 4:7

Kholu, avbo va nga belago nyumbani va di ya mu mana na lade vbadawutunu gwaye, va di mu paya, va mu songa, va pila hungo waye, va gimbila nawo panini ga Arabha wutshigu watshavbo.

Joba 31:1

Nyi giride gidzumeledzwano ni maho yangu, gukheni nyi nga tshuki nyi dogorela gyagadzyana nya mbiri.

Dzindzimo 119:37

Ndreyisa maho yangu gasi nyi si woni silo si si phasigo, nyi tiyise ndzilani gwago.

Mavingu 19:15

Muthu nya ngara gu khala na lade, ni muthu nyambana lipindru, a nafa khu ndzala.

Mavingu 31:30

Guyedwa gu ngu pfhadza, ni wumburi wu ngu vbela, aholu nyamayi a thavago Pfhumu Nungungulu, khuye a zundzegago.

Mavingu 6:25

Monyo wago wu nga dzumeli gu modwa khu gu dogorela wumburi waye ambari gundrindrwa khu gurunya nya maho yaye.

Mavingu 7:8

Ilo li di guvbindra khu ndzila, li ndreya li thonona nyumbani ga nyamayi wule;

Jeremiya 19:13

Dzinyumba dza Jerusalema gumogo ni dzinyumba dza vafumeli va Judha, dzi na nyenyeziswa khu sirumbi nya vathu gu fanana ni wulanga wa Tofeti; kholu va na Israyeli va litide vbatshani nya sikoli nya dzinyumba va ya vbisa libani va phasela lidambo, ngima ni dzinyeledzi, vanungungulu nya malipha.

Matewu 10:27

Iso nyi mi embelago mugidemani, si tiviseni safani nya mihani; niso muyago khu gu lembedwa, si pwadzeni khu vbatshani nya dzinyumba.

Matewu 24:17

uye a na gu bani a romo vbatshani nya nyumba a nga tshigi gasi guta dzega gilogyo nyumbani gwaye;

Matewu 5:28

Gasi eni nyi ngu mi embelani, kheni: Watshavbo uye a khedzago nyamayi, khu gu mu dogorela, bhayide naye monyoni gwaye.

Mithumo 10:9

Gandra ni dzimindru, na vari vbakari nya ndzila, vbafuvbi ni gu vboha, dhoropani ga Jope, Pedro a di lita vbatshani nya nyumba, khu gikhati nya midiya, gasi guya gira nombelo.

Dhewuteronome 22:8

Wa gu vbaha nyumba nya yiphya nya gitezi, u na gira libhiyo likupakupani la gitezi, gasi u si mani nandru nya novba, a gu thega muthu nya gukari khu vbale.

Dhewuteronome 5:21

U nga naveli mwangadzi wa muakelane wago, ambari gu navela nyumba ya muthu kwanu, ambari lithembwe laye, ambari githumi gyaye nya mwama mwendro nya nyamayi, ambari mombe yaye, ambari buru yaye, ambari ni gevbini gilo gi mu lumbago.

1 Pedro 4:7

Mahegiso nya silo satshavbo gomo vbafuvbi. Gu vbwetega mu gengela, mu dzi wonela, gasi mu kodze gu lombelela.

1 Johane 2:16

Satshavbo si guromo mafuni: Gudogorela nya givili, ni gudogorela nya maho, ni gu dzi gugumugisa khu kotani nya silo nya mafu, satshavbo sesi kha siti khu ga Babe, aholu, sa guta khu mafuni momu.

1 Samuweli 9:25

Khu wuvili wawe, va di tshiga gumogo khu gigomoni vaya dhoropani, Samuweli ni Sawule va di bhula na va si gu lali na vari vbatshani nya langwe nya nyumba.